Genesis 1:21

Ang Biblia 2011

Busa gibuhat sa Dios ang dagkong mga mananap sa dagat ug ang tanang buhing binuhat nga naglihok nga milukop sa katubigan, sumala sa ilang mga matang ug ang tanang langgam nga may pako, sumala sa ilang mga matang. Ug nakita sa Dios nga kini maayo.

Cross References

Genesis 1:18

aron maggahom panahon sa adlaw ug sa gabii, ug aron sa paglain sa kahayag gikan sa kangitngit. Ug nakita sa Dios nga kini maayo.

Genesis 1:20

Unya ang Dios miingon, “Mapuno ang katubigan sa daghan nga buhing binuhat ug manglupad ang kalanggaman sa ibabaw sa yuta diha sa wanang sa kalangitan.”

Genesis 1:22

Gipanalanginan sila sa Dios nga nag-ingon, “Sanay ug panaghan kamo ug lukpa ninyo ang tubig sa kadagatan ug managhan ang mga langgam diha sa yuta.”

Genesis 1:25

Busa gibuhat sa Dios ang mga mananap sa yuta sumala sa ilang mga matang, ug ang kahayopan sumala sa ilang mga matang ug ang tanang mga mananap nga nagkamang sa yuta sumala sa ilang mga matang. Ug nakita sa Dios nga kini maayo.

Genesis 1:31

Ug nakita sa Dios ang tanang butang nga iyang gihimo, ug tan-awa, kini maayo kaayo. Dihay kagabhion ug dihay kabuntagon, ikaunom nga adlaw.

Genesis 2:19

Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini.

Genesis 6:20

Sa matag matang sa langgam ug sa matag matang sa mga hayop ug tanang mga butang nga nagkamang sa yuta sumala sa ilang matang, duha sa matag matang, sila mosulod uban kanimo aron mabuhi sila.

Genesis 7:14

sila ug ang tanan nga mga mananap sumala sa ilang matang, ang tanan nga kahayopan sumala sa ilang matang, ug ang tanan nga mga mananap nga nagkamang sa ibabaw sa yuta sumala sa ilang matang, ug ang tanang mga langgam sumala sa ilang matang, ang tanang nagkalainlaing matang sa langgam.

Genesis 8:17

Ug ipagula uban kanimo ang tanang buhing binuhat uban kanimo, ang tanan nga unod, ang mga langgam ug ang kahayopan ug ang tanan nga nagkamang sa ibabaw sa yuta aron sila mosanay diha sa yuta ug magmabungahon ug modaghan sila sa ibabaw sa yuta.”

Genesis 8:19

Ang tanan nga mga mananap ug ang tanan nga mga nagkamang ug ang tanan nga mga langgam, ang tanan nga naglihok sa ibabaw sa yuta, sumala sa ilang matang, nanggawas sa arka.

Genesis 9:2

Ang kahadlok ug ang kalisang kaninyo maanaa sa tanang mananap sa yuta ug sa tanan nga langgam sa kalangitan, sa tanan nga nagkamang sa yuta ug sa tanan nga mga isda sa dagat. Nganha sa inyong kamot gitugyan sila.

Genesis 9:7

Pagmabungahon ug panaghan kamo, sanay kamo pag-ayo sa ibabaw sa yuta ug panaghan kamo diha niini.”

Job 12:7

“Apan pangutan-a ang mga mananap ug sila magtudlo kanimo, ang mga langgam sa kalangitan, ug sila magsulti kanimo;

Job 26:5

Ang mga patay nagkurog, ang katubigan ug ang mga nagpuyo niini.

Job 7:12

Ako ba ang dagat o dakong mananap sa dagat, nga ikaw magbutang kanako ug usa ka bantay?

Salmo 148:7

Dayega ang Ginoo gikan sa yuta, kamo nga mga mananap sa dagat ug tanan nga mga kahiladman,

Exodo 1:7

Apan ang mga kaliwat ni Israel nagmabungahon ug midaghan pag-ayo ug misanay ug nahimong lig-on sa hilabihan gayod ug nalukop nila ang yuta.

Exodo 8:3

Ug ang suba mapuno sa mga baki nga manaka ug manulod sa imong balay ug sa imong lawak nga higdaanan, sa ibabaw sa imong higdaanan, sa mga balay sa imong mga alagad ug sa imong katawhan, sulod sa imong mga pugon ug sa imong mga masahan.

Ezequiel 32:2

“Anak sa tawo, pagbangutan alang sa Paraon nga hari sa Ehipto ug ingna siya: Ikaw nagpakasama sa usa ka liyon taliwala sa mga nasod, apan ikaw sama sa usa ka dragon sa kadagatan, ug ikaw migula sa imong mga suba, ug gikutaw nimo ang katubigan pinaagi sa imong mga tiil, ug gilubog nimo ang ilang mga suba.

Jonas 1:17

Apan ang Ginoo nagtagana ug usa ka dakong isda aron molamoy kang Jonas; ug si Jonas diha sa sulod sa tiyan sa isda tulo ka adlaw ug tulo ka gabii.

Jonas 2:10

Ug ang Ginoo misulti sa isda ug kini misuka kang Jonas ngadto sa yuta nga uga.

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.