Genesis 1:2

Ang Biblia 2011

Ug ang yuta walay dagway ug walay sulod ug ang kangitngit milukop sa nawong sa kahiladman, ug ang Espiritu sa Dios naglihok ibabaw sa katubigan.

Cross References

Job 26:14

Tan-awa, kini tipik lamang sa iyang pamaagi, ug pagkadiyotay lamang sa hagawhaw nga atong nabati mahitungod kaniya! Apan ang dalugdog sa iyang gahom, kinsa ang makatugkad?”

Job 26:7

Ang amihanan iyang gibuklad sa dapit nga walay sulod, ug gibitay ang kalibotan ibabaw sa wala.

Job 38:9

sa diha nga gihimo nako ang panganod nga maoy bisti niini, ug ang bagang kangitngit maoy bakbak niini,

Job 41:32

Sa likod niya nagpadan-ag siya ug usa ka dalan; si bisan kinsa makahunahuna nga ang kahiladman sa dagat ubanon.

Salmo 104:30

Sa dihang gipadala nimo ang imong Espiritu, sila nangahimo; ug imong gibag-o ang nawong sa yuta.

Salmo 104:6

Gitabonan nimo kini sa kahiladman ingon nga usa ka bisti; ang katubigan anaa ibabaw sa kabukiran.

Salmo 136:6

kaniya nga nagbuklad sa yuta ibabaw sa mga katubigan, kay ang iyang gugmang walay paglubad naglungtad hangtod sa kahangtoran;

Salmo 148:7

Dayega ang Ginoo gikan sa yuta, kamo nga mga mananap sa dagat ug tanan nga mga kahiladman,

Salmo 33:6

Pinaagi sa pulong sa Ginoo nahimo ang kalangitan, ug ang tanan nilang mga panon pinaagi sa gininhawa sa iyang baba.

Mga Panultihon 8:24

Sa diha nga wala pay kahiladman, ako nahimugso na, sa diha nga wala pay mga tubod nga daghan ug sa tubig.

Isaias 31:5

Sama sa mga langgam nga naglupadlupad, mao usab ang Ginoo sa mga panon, manalipod sa Jerusalem; siya manalipod ug magluwas niini, sayloan niya kini ug luwason.

Isaias 45:18

Kay mao kini ang giingon sa Ginoo, nga nagbuhat sa kalangitan (siya Dios!), nga nag-umol sa yuta ug naghimo niini, (siya nagtukod niini; siya wala maghimo niini nga samok, siya nag-umol niini aron puy-an!): “Ako mao ang Ginoo, ug wala nay lain.

Jeremias 4:23

Mitan-aw ako sa yuta, ug akong nakita nga kini awaaw ug haw-ang; ug ngadto sa kalangitan, ug kini walay kahayag.

Nahum 2:10

Mingaw! Mingaw kaayo ug guba! Ang mga kasingkasing naluya ug ang mga tuhod nagkurog, ang kaguol anaa sa mga hawak, ang tanang mga nawong nangluspad.

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Deuteronomio 32:11

Sama sa agila nga nagpaukyab sa iyang salag, naglupadlupad sa ibabaw sa iyang mga kuyabog, nagbukhad sa iyang mga pako, nagkuha kanila, nagdala kanila pinaagi sa iyang mga pako,