Genesis 1:16

Ang Biblia 2011

Busa gibuhat sa Dios ang duha ka dagkong kahayag: ang labaw ug kahayag magdan-ag panahon sa adlaw ug ang gamay ug kahayag magdan-ag panahon sa gabii, ug gibuhat usab niya ang mga bituon.

Cross References

Genesis 1:15

ug mahimo sila nga mga kahayag diha sa wanang sa kalangitan aron paghatag ug kahayag ibabaw sa yuta.” Ug nahimo kini.

Job 31:26

kon akong nakita ang adlaw sa diha nga kini misidlak, o ang bulan nga nag-irog diha sa katahom,

Job 38:7

sa dihang nagdungan pag-awit ang mga bituon sa kabuntagon, ug ang tanang mga anak sa Dios naninggit sa kalipay?

Salmo 148:3

Dayega siya, adlaw ug bulan, dayega siya, kamong tanang nagdan-ag nga kabituonan!

Salmo 148:5

Ipadayeg kanila ang ngalan sa Ginoo! Kay siya nagsugo ug sila nangahimo.

Salmo 19:6

Ang pagsubang niini naggikan sa usa ka tumoy sa kalangitan, ug ang iyang paglibot ngadto sa mga kinatumyan niini; ug walay bisan unsa nga natago gikan sa kainit niini.

Salmo 74:16

Imo ang adlaw ug imo usab ang gabii; imong giandam ang kahayag ug ang adlaw.

Salmo 8:3

Sa diha nga magsud-ong ako sa imong kalangitan, sa buhat sa imong mga tudlo, sa bulan ug sa mga bituon nga imong gipahiluna;

Isaias 13:10

Kay ang mga bituon sa kalangitan ug ang mga pundok sa bituon niini dili mohatag sa ilang kahayag; ang adlaw ngitngit sa iyang pagsubang, ug ang bulan dili mohatag sa iyang dan-ag.

Isaias 24:23

Unya ang bulan libogon, ug ang adlaw maulaw; kay ang Ginoo sa mga panon maghari didto sa Bukid sa Zion ug sa Jerusalem, ug sa atubangan sa iyang mga kadagkoan, siya magpadayag sa iyang himaya.

Isaias 40:26

Iyahat ang inyong mga mata sa itaas ug tan-aw: kinsay nagbuhat niini? Siya nga nagdala sa ilang panon nga inihap, nagtawag kanilang tanan pinaagi sa ngalan, tungod sa kadako sa iyang gahom, ug tungod kay siya dako sa gahom, walay bisan usa nga makulang.

Isaias 45:7

Ako naghimo sa kahayag, ug nagbuhat sa kangitngit; ako nagbuhat sa kabulahanan, ug sa kadaotan; ako mao ang Ginoo nga naghimo niining tanang mga butang.

Jeremias 31:35

Mao kini ang giingon sa Ginoo, nga naghatag sa adlaw alang sa kahayag sa adlawan, ug sa natakda nga han-ay sa bulan ug sa mga bituon alang sa kahayag sa kagabhion, nga nagkutaw sa dagat aron modahunog ang mga balod niini— si Yahweh sa mga panon mao ang iyang ngalan,

Habacuc 3:11

Ang adlaw ug ang bulan mihunong sa ilang nahimutangan sa kahayag sa imong mga udyong samtang sila nagpanaw, sa pagkidlap sa imong naggilawgilaw nga bangkaw.

Mateo 24:29

“Dihadiha inigkatapos sa kalisdanan niadtong mga adlawa, ang adlaw mongitngit, ug ang bulan dili na mohatag ug kahayag, ug ang mga bituon mangatagak gikan sa langit ug matay-og ang mga gahom sa kalangitan.

Mateo 27:45

Sukad sa udtong tutok mingitngit ang tibuok yuta hangtod sa ikatulo nga takna sa hapon. ikasiyam nga takna.

1 Mga Taga-Corinto 15:41

Lain ang himaya sa adlaw, ug lain usab ang himaya sa bulan, ug lain ang himaya sa mga bituon, kay ang usa ka bituon lahi man ug himaya sa laing bituon.

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.

Gipadayag 21:23

Ug ang siyudad wala na magkinahanglan ug adlaw o bulan sa pagdan-ag niini, kay ang himaya sa Dios mao man ang kahayag niini, ug ang suga niini mao man ang Nating Karnero.