Genesis 1:14

Ang Biblia 2011

Unya ang Dios miingon, “Mahimo ang mga kahayag diha sa wanang sa kalangitan aron sa paglain sa adlaw gikan sa gabii, ug mahimo nga ilhanan alang sa mga panahon alang sa mga adlaw ug sa mga tuig,

Cross References

Genesis 1:13

Dihay kagabhion ug dihay kabuntagon, ikatulo nga adlaw.

Genesis 1:15

ug mahimo sila nga mga kahayag diha sa wanang sa kalangitan aron paghatag ug kahayag ibabaw sa yuta.” Ug nahimo kini.

Genesis 8:22

Samtang magpabilin pa ang yuta, ang pagtanom ug ang pag-ani, ang kabugnaw ug ang kainit, ang ting-init ug ang tingtugnaw, ang kabuntagon ug ang kagabhion dili moundang.”

Genesis 9:13

Ang akong bangaw ibutang nako diha sa panganod, ug mahimo kini nga usa ka timaan sa kasabotan tali kanako ug sa yuta.

Job 25:3

Maihap ba ang iyang kasundalohan? Kinsa man ang wala dan-agi sa iyang kahayag?

Job 25:5

Tan-awa, bisan ang bulan dili sanag ug ang kabituonan dili hinlo diha sa iyang panan-aw;

Job 3:9

Papid-oka ang mga bituon sa banagbanag, palaoma kini sa kahayag apan walay modangat, o makakita sa tabontabon sa kabuntagon;

Salmo 119:91

Sumala sa imong gitakda, kini nagpadayon hangtod niining adlawa; kay ang tanang mga butang imong mga sulugoon.

Salmo 148:3

Dayega siya, adlaw ug bulan, dayega siya, kamong tanang nagdan-ag nga kabituonan!

Salmo 148:6

Ug gipahimutang niya sila hangtod sa kahangtoran; iyang gihimo ang ilang utlanan nga dili kaagian.

Salmo 150:1

Dayega ang Ginoo! Dayega ang Dios diha sa iyang balaang puluy-anan; dayega siya diha sa iyang gamhanang kalangitan!

Salmo 81:3

Patingoga ang trumpeta sa bag-ong subang sa bulan, sa pagtakdol sa bulan, sa atong adlaw sa kasaulogan.

Isaias 40:26

Iyahat ang inyong mga mata sa itaas ug tan-aw: kinsay nagbuhat niini? Siya nga nagdala sa ilang panon nga inihap, nagtawag kanilang tanan pinaagi sa ngalan, tungod sa kadako sa iyang gahom, ug tungod kay siya dako sa gahom, walay bisan usa nga makulang.

Jeremias 10:2

Mao kini ang giingon sa Ginoo: “Ayaw ninyo kat-oni ang pamaagi sa kanasoran o malisang sa mga ilhanan sa kalangitan, kay ang kanasoran nangalisang niini,

Jeremias 31:35

Mao kini ang giingon sa Ginoo, nga naghatag sa adlaw alang sa kahayag sa adlawan, ug sa natakda nga han-ay sa bulan ug sa mga bituon alang sa kahayag sa kagabhion, nga nagkutaw sa dagat aron modahunog ang mga balod niini— si Yahweh sa mga panon mao ang iyang ngalan,

Jeremias 33:20

“Mao kini ang giingon sa Ginoo: Kon lapason ninyo ang akong kasabotan mahitungod sa adlaw ug ang akong kasabotan mahitungod sa gabii, aron nga ang adlaw ug ang gabii dili moabot sa gitakda niini nga panahon,

Jeremias 33:25

Mao kini ang giingon sa Ginoo: Kon wala pa nako himoa ang akong kasabotan mahitungod sa adlaw ug sa gabii ug ang mga tulumanon sa langit ug sa yuta,

Ezequiel 46:1

“Mao kini ang giingon sa Ginoong Dios: Ang ganghaan sa sulod nga hawanan nga nag-atubang sa silangan tak-opan sulod sa unom ka adlaw nga tingbuhat, apan sa adlawng igpapahulay kini buksan, ug sa adlaw sa bag-ong subang sa bulan kini buksan.

Ezequiel 46:6

Sa adlaw sa bag-ong subang sa bulan maghalad siya ug usa ka batan-ong torong baka nga walay tatsa ug unom ka nating karnero ug usa ka laking karnero, kini kinahanglan walay tatsa.

Joel 2:10

Ang yuta molinog sa ilang atubangan, ang kalangitan mangurog. Ang adlaw ug ang bulan mongitngit, ug ang mga bituon mohunong sa ilang pagdan-ag.

Joel 3:15

Mingitngit ang adlaw ug ang bulan, ug ang mga bituon nawad-an sa ilang kahayag.

Amos 5:8

Siya nga nagbuhat sa Pleades ug sa Orion, ug naghimo sa hilabihan nga kangitngit ngadto sa kabuntagon ug nagpangiob sa adlaw ngadto sa kagabhion, nga nagtawag sa katubigan sa dagat ug nagbubo niini ibabaw sa yuta, Yahweh ang iyang ngalan,

Amos 8:9

“Nianang adlawa,” nag-ingon ang Ginoong Dios, “Himoon nako nga ang adlaw mosalop sa kaudtohon ug akong pangitngitan ang yuta sa adlawang dako.

Mateo 2:2

“Hain man ang gipanganak nga hari sa mga Judio? Kay nakita namo ang iyang bituon didto sa Sidlakan ug nanganhi kami aron sa pagsimba kaniya.”

Mateo 24:29

“Dihadiha inigkatapos sa kalisdanan niadtong mga adlawa, ang adlaw mongitngit, ug ang bulan dili na mohatag ug kahayag, ug ang mga bituon mangatagak gikan sa langit ug matay-og ang mga gahom sa kalangitan.

Marcos 13:24

“Apan nianang mga adlawa, human sa maong kasakitan ang adlaw mongitngit ug ang bulan dili na mohatag sa iyang kahayag,

Lucas 23:45

kay ang kahayag sa adlaw nawala. Ug ang tabil sa Templo nagisi nga natunga.

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.

Gipadayag 6:12

Ug sa pagbukas niya sa ikaunom nga silyo, akong nakita nga dihay usa ka kusog nga linog, ug ang adlaw miitom sama sa sako nga hinimo gikan sa balhibo, ang tibuok nga bulan nahimong daw dugo,

Gipadayag 8:12

Ang ikaupat nga anghel mipatingog sa iyang trumpeta, ug gihampak ang ikatulo nga bahin sa adlaw, ug ang ikatulo nga bahin sa Bulan, ug ang ikatulo nga bahin sa mga bituon, nga tungod niini mingiob ang ikatulo nga bahin sa ilang kahayag, ug wala na maghayag ang ikatulo nga bahin sa adlaw, ug ingon man ang ikatulo nga bahin sa gabii.

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.