Genesis 1:12

Ang Biblia 2011

Busa ang yuta nagpaturok ug mga tanom, mga tanom nga naghatag ug liso, sumala sa matang niini, ug mga kahoy nga naghatag ug bunga nga anaa ang binhi niini, sumala sa mga matang niini. Ug nakita sa Dios nga kini maayo.

Cross References

Genesis 1:11

Ug miingon ang Dios, “Magpaturok ug mga tanom ang yuta, mga tanom nga maghatag ug liso, ug mga kahoy nga maghatag ug bunga nga anaa ang binhi, ang matag usa sumala sa matang niini diha sa yuta.” Ug nahimo kini.

Genesis 1:13

Dihay kagabhion ug dihay kabuntagon, ikatulo nga adlaw.

Salmo 104:14

Ikaw nagpatubo sa balili alang sa kahayopan, ug mga tanom alang sa paghago sa tawo, aron siya makahimo sa pagkuha ug makaon gikan sa yuta,

Isaias 61:11

Kay ingon nga ang yuta nagpagitib sa iyang turok, ug ingon nga ang tanaman nagpaturok sa mga gitisok niini, ang Ginoong Dios usab magpaturok sa pagkamatarong ug pagdayeg sa atubangan sa tanan nga kanasoran.

Marcos 4:28

Ang yuta, sa iyang kaugalingon, mohatag ug abot, ang una mao ang dahon, unya ang uhay ug unya ang bus-ok nga lugas sa uhay.

Lucas 6:44

kay ang matag kahoy mailhan pinaagi sa iyang bunga. Kay walay mga igos nga anha pupoa gikan sa kasampinitan o mga ubas gikan sa kudyapaan.

2 Mga Taga-Corinto 9:10

Siya nga naghatag sa binhi ngadto sa magpupugas ug sa pan aron kaonon maghatag kaninyo ug binhi ug magpadaghan niini ug magpadaghan sa mga bunga sa inyong pagkamatarong.

Mga Taga-Galacia 6:7

Ayaw kamo palimbong; ang Dios dili kabugalbugalan, kay bisan unsay ipugas sa tawo, mao usab kana ang iyang anihon.

Mga Hebreo 6:7

Kay ang yuta nga nakasuyop na sa ulan nga kanunayng nangatagak niini ug nagpatubo sa mga tanom nga kapuslan sa mga tawo nga alang kanila giugmad kini, magdawat ug panalangin gikan sa Dios.