Esdras 1:4

Ang Biblia 2011

Ang matag usa sa mga nahibilin, bisan diin man siya magpuyo, kinahanglang tabangan siya sa mga tawo sa iyang dapit pinaagi sa plata ug bulawan, sa mga kabtangan ug sa mga mananap, dugang sa mga halad nga kinabubut-on alang sa balay sa Dios nga anaa sa Jerusalem.”

Cross References

1 Cronicas 29:3

Dugang pa niini, dugang sa tanan nakong gitagana alang sa balaang balay, ako adunay bahandi nga akong kaugalingon, bulawan ug plata, ug tungod sa akong gugma sa balay sa akong Dios, gihatag nako kini sa balay sa akong Dios,

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

Mga Buhat 24:17

Unya human sa daghang katuigan mianhi ako aron sa pagdala ug mga hinabang ug mga halad alang sa akong nasod.

1 Cronicas 29:17

Ako nahibalo, akong Dios, nga ikaw nagsulay sa kasingkasing ug may kalipay diha sa matarong. Sa katarong sa akong kasingkasing gihatag nako sa kinabubut-on kining tanang mga butang, ug karon nakita nako ang imong katawhan nga ania dinhi, naghalad nga kinabubut-on ug malipayon nganha kanimo.

1 Cronicas 29:9

Unya ang katawhan nangalipay tungod kay nanghatag man sila nga kinabubut-on uban sa tibuok nga kasingkasing, nanghatag sila sa kinabubut-on ngadto sa Ginoo. Si David nga hari nalipay usab pag-ayo.

Exodo 35:29

Ang tanan nga katawhan sa Israel, mga babaye ug mga lalaki nga gidasig sa ilang mga kasingkasing sa pagdala ug bisan unsa alang sa buluhaton nga gisugo sa Ginoo pinaagi kang Moises aron ilang buhaton, nagdala niini ingon nga ilang kinabubut-ong halad ngadto sa Ginoo.

Esdras 1:3

Si bisan kinsa nga anaa uban kaninyo sa tanan niyang katawhan, mag-uban unta kaniya ang iyang Dios, ug paadtoa siya sa Jerusalem nga anaa sa Juda, ug patukora pag-usab sa balay sa Ginoo, ang Dios sa Israel, siya mao ang Dios nga anaa sa Jerusalem.

Esdras 1:5

Unya mitindog ang mga pangulo sa mga panimalay sa mga katigulangan sa Juda ug sa Benjamin, ang mga pari ug ang mga Levihanon, ang matag usa nga ang espiritu gidasig sa Dios sa pag-adto aron sa pagtukod pag-usab sa balay sa Ginoo nga anaa sa Jerusalem.

2 Cronicas 31:14

Ug si Kore nga anak nga lalaki ni Imna nga Levihanon, ang tigbantay sa silangan nga ganghaan, maoy tinugyanan sa mga kinabubut-ong mga halad ngadto sa Dios, sa pagbahinbahin sa mga halad nga gigahin alang sa Ginoo ug sa labing balaan nga mga halad.

Esdras 9:15

O Ginoo, ang Dios sa Israel, ikaw matarong kay kami nahibilin nga usa ka salin nga nakaikyas hangtod niining adlawa. Tan-awa, kami ania sa imong atubangan sa among pagkasad-an kay walay makatindog sa imong atubangan tungod niini.”

Isaias 10:21

May usa ka salin nga mobalik, ang salin ni Jacob, ngadto sa Dios nga makagagahom.