Esdras 1:3

Ang Biblia 2011

Si bisan kinsa nga anaa uban kaninyo sa tanan niyang katawhan, mag-uban unta kaniya ang iyang Dios, ug paadtoa siya sa Jerusalem nga anaa sa Juda, ug patukora pag-usab sa balay sa Ginoo, ang Dios sa Israel, siya mao ang Dios nga anaa sa Jerusalem.

Cross References

Daniel 6:26

Ako nagbuhat ug kamandoan aron nga sa tanang ginsakpan sa akong gingharian, ang mga tawo magkurog ug mangahadlok sa atubangan sa Dios ni Daniel, Kay siya mao ang Dios nga buhi nga naglungtad hangtod sa kahangtoran; ang iyang gingharian dili mabungkag ug ang iyang paghari mohangtod sa kahangtoran.

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Mga Buhat 10:36

Kini mao ang pulong nga iyang gipadala ngadto sa katawhan sa Israel, sa iyang pagwali sa Maayong Balita sa kalinaw pinaagi kang Jesu-Cristo nga mao ang Ginoo sa tanan.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Isaias 45:5

Ako mao ang Ginoo, ug wala nay lain; gawas kanako walay nay laing Dios. Gibaksan ko ikaw bisan ug ikaw wala makaila kanako,

Josue 1:9

Wala ba ako magsugo kanimo? Pagmalig-on ug pagmaisogon; ayaw kahadlok o kaluya kay ang Ginoo nga imong Dios anaa uban kanimo bisan asa ikaw moadto.”

Deuteronomio 32:31

Kay ang ilang bato dili sama sa atong Bato, bisan pa ug ang atong mga kaaway sa ilang kaugalingon mao ang mga maghuhukom.

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

1 Cronicas 28:20

Unya si David miingon kang Solomon nga iyang anak “Pagmakusganon ug pagmaisugon ug buhata kini. Ayaw kahadlok o pagkaluya, kay ang Ginoong Dios nga akong Dios mag-uban kanimo. Siya dili mopakyas kanimo o motalikod kanimo, hangtod nga ang tanang buhat alang sa pag-alagad sa balay sa Ginoo matapos.

1 Mga Hari 8:23

Siya miingon, “O Ginoo, ang Dios sa Israel, walay Dios nga sama kanimo, sa langit sa itaas o sa ilalom sa yuta, nga nagtuman sa kasabotan ug nagpakita ug gugmang walay paglubad sa imong mga sulugoon nga naglakaw sa imong atubangan sa tibuok nilang kasingkasing,

1 Mga Hari 18:39

Sa pagkakita sa tibuok katawhan niini, ug sila mihapa ug miingon, “Ang Ginoo, siya mao ang Dios; ang Ginoo, siya mao ang Dios.”

Esdras 1:4

Ang matag usa sa mga nahibilin, bisan diin man siya magpuyo, kinahanglang tabangan siya sa mga tawo sa iyang dapit pinaagi sa plata ug bulawan, sa mga kabtangan ug sa mga mananap, dugang sa mga halad nga kinabubut-on alang sa balay sa Dios nga anaa sa Jerusalem.”

Esdras 5:3

Sa maong panahon miadto kanila si Tatenai, ang gobernador sa lalawigan nga tabok sa Suba, ug si Setarbosenai, ug ang ilang mga kauban ug miingon kanila sa ingon niini, “Kinsa ang mihatag ug sugo kaninyo sa pagtukod niining balaya ug sa paghuman niining kutaa?”

Isaias 37:16

“O Ginoo sa mga panon, ang Dios sa Israel, nga naglingkod ibabaw sa mga kerubin, ikaw mao ang Dios, ikaw lamang, sa tanang mga gingharian sa yuta, ikaw ang nagbuhat sa langit ug sa yuta.

Esdras 4:3

Apan si Zerubabel, si Jesua ug ang uban nga mga pangulo sa mga panimalay sa mga katigulangan sa Israel miingon kanila, “Kamo walay labot kanamo sa pagtukod ug balay sa among Dios, apan kami lamang ang magtukod alang sa Ginoo, ang Dios sa Israel, sumala sa gisugo kanamo ni Hari Ciro nga hari sa Persia.”

Esdras 5:13

Hinuon sa unang tuig ni Ciro nga hari sa Babilonia, si Ciro nga hari naghimo ug usa ka sugo nga tukoron pag-usab kining balay sa Dios.

Esdras 6:7

Pasagdi lamang ang pagbuhat sa balay sa Dios; ipatukod sa gobernador sa mga Judio ug sa mga kadagkoan sa mga Judio kining balay sa Dios sa dapit niini.

Salmo 132:13

Kay ang Ginoo nagpili sa Zion; iya kining gitinguha alang sa iyang puluy-anan:

Isaias 44:28

nga nag-ingon mahitungod kang Ciro, ‘Siya mao ang akong tigbantay sa karnero, ug siya magbuhat sa tanan nakong katuyoan,’ nag-ingon mahitungod sa Jerusalem, ‘Siya tukoron,’ ug mahitungod sa templo, ‘Ang imong patukoranan ipahiluna.’ ”