Exodo 9:31

Ang Biblia 2011

Ang mga tanom nga himoon ug lino ug ang sebada nangadaot kay ang sebada nangauhay na ug ang tanom nga himoon ug lino namulak na.

Cross References

2 Samuel 21:9

Ug sila gitugyan niya ngadto sa mga kamot sa mga Gibeonhanon ug sila gibitay nila didto sa bukid sa atubangan sa Ginoo ug nangapukan pagdungan silang pito. Gipamatay sila sulod sa unang mga adlaw sa pag-ani, sa sinugdan sa pag-ani sa sebada.

Exodo 9:32

Apan ang mga trigo wala mangadaot kay ulahi man kining nangahinog.

Amos 4:9

“Gihampak ko kamo pinaagi ug pagpangalaya sa kahoy ug agup-op; gipuo nako ang inyong mga tanaman ug ang inyong kaparasan; ang inyong mga kahoyng igera ug ang inyong mga kahoyng olibo gilamoy sa dulon; apan bisan pa niana, wala kamo mobalik kanako,” nag-ingon ang Ginoo.

Habacuc 3:17

Bisan ug ang kahoyng igera dili mamulak, o walay bunga ang kaparasan, ang abot sa olibo makawang ug ang kaumahan dili mohatag ug pagkaon, ang mga karnero puohon gikan sa mga toril, ug wala nay kahayopan sulod sa mga kamalig,

Ruth 1:22

Busa si Naomi mipauli ug si Ruth nga Moabihanon nga iyang umagad miuli uban kaniya gikan sa yuta sa Moab. Ug sila miabot sa Betlehem sa pagsugod sa pagpangani sa mga sebada.

Ruth 2:23

Busa kanunay siyang nagpaduol sa sulugoong babaye ni Boas aron sa pagpanghagdaw hangtod sa kataposan sa pagpangani sa sebada ug sa trigo, ug mipuyo siya uban sa iyang ugangan nga babaye.