Exodo 9:29

Ang Biblia 2011

Ug si Moises miingon kaniya, “Sa dihang makagula na ako sa siyudad, ibayaw dayon nako ang akong mga kamot ngadto sa Ginoo ug mohunong ang dalugdog, ug wala nay ulan nga yelo aron ikaw mahibalo nga ang kalibotan iya sa Ginoo.

Cross References

1 Mga Hari 8:22

Ug si Solomon mitindog sa atubangan sa halaran sa Ginoo atubangan sa katilingban sa Israel, ug gibayaw ang iyang mga kamot ngadto sa langit.

1 Mga Hari 8:38

bisan unsa nga pag-ampo o pakiluoy nga himoon sa bisan kinsang tawo o sa tibuok nimong katawhan nga Israel, matag usa nahibalo sa kasakit sa iyang kaugalingong kasingkasing ug magbayaw sa iyang mga kamot nganhi niining balaya,

Esdras 9:5

Panahon sa haponon nga paghalad mitindog ako gikan sa akong pagpuasa, nagsul-ob sa akong bisti ug sa akong kupo nga ginisi ug ako miluhod ug gibayaw nako ang akong mga kamot ngadto sa Ginoo nga akong Dios,

Job 11:13

“Kon imong ipahimutang ug tarong ang imong kasingkasing, imong matuy-od ang imong kamot ngadto kaniya.

Salmo 135:6

Bisan unsa ang gikahimut-an sa Ginoo, iyang gibuhat, didto sa langit ug dinhi sa yuta, diha sa kadagatan ug sa tanang mga kahiladman.

Salmo 143:6

Gituy-od nako ang akong mga kamot nganha kanimo; ang akong kalag giuhaw kanimo sama sa yuta nga uga. Selah

Salmo 50:12

“Kon ako gutomon, dili ako mosulti kanimo, kay ang kalibotan akoa ug ang tanan nga anaa niini.

Exodo 19:5

Busa karon, kon magtuman kamo sa akong tingog ug magsubay sa akong kasabotan kaninyo, kamo mahimo nga akong kaugalingong bahandi taliwala sa tanang katawhan kay ang tibuok kalibotan akoa man.

Exodo 20:11

Kay sa unom ka adlaw gibuhat sa Ginoo ang langit ug ang yuta, ang dagat ug ang tanan nga anaa niini ug mipahulay siya sa ikapitong adlaw. Busa gipanalanginan sa Ginoo ang adlaw nga igpapahulay ug gibalaan kini.

Exodo 8:22

Apan nianang adlawa ilain nako ang yuta sa Gosen diin nagpuyo ang akong katawhan, aron walay mga panon sa langaw nga makaadto. Kini aron mahibalo ikaw nga ako mao ang Ginoo nga ania sa taliwala sa yuta.

Exodo 8:6

Busa gituy-od ni Aaron ang iyang kamot ibabaw sa katubigan sa Ehipto ug ang mga baki mitungha ug milukop sa yuta sa Ehipto.

Exodo 9:33

Busa si Moises mibiya gikan sa Paraon ug migawas sa siyudad ug gibayaw niya ang iyang mga kamot ngadto sa Ginoo, ug ang dalugdog ug ang ulan nga yelo mihunong, ug ang ulan wala na mangahulog sa yuta.

Isaias 1:15

Sa diha nga bayawon ninyo ang inyong mga kamot, tagoon nako ang akong mga mata gikan kaninyo; bisan ug maghimo pa kamo ug daghang mga pag-ampo, dili ako mamati; ang inyong mga kamot puno sa dugo.

1 Mga Taga-Corinto 10:26

Kay “ang yuta iya sa Ginoo ug ang tanang butang nga anaa niini.”

1 Mga Taga-Corinto 10:28

Apan kon adunay moingon kaninyo, “Kini gihalad ngadto sa diosdios,” ayaw kamo pagkaon niini agig pagtahod sa tawo nga nagpahibalo kaninyo, ug tungod sa tanlag;

Deuteronomio 10:14

Tan-awa, ngadto sa Ginoo nga imong Dios iya ang langit ug ang langit sa mga langit, ang yuta uban ang tanan nga anaa niini.