Exodo 9:28

Ang Biblia 2011

Pag-ampo kamo ngadto sa Ginoo kay igo na kining dagkong mga dalugdog ug ulan nga yelo. Tugotan ko kamo sa paglakaw ug dili na magpabilin dinhi.”

Cross References

1 Mga Hari 13:6

Ug ang hari miingon sa tawo sa Dios, “Hangyoa karon ang kaluoy sa Ginoo nga imong Dios ug iampo ako nga ang akong kamot maulian.” Ug ang tawo sa Dios mihangyo sa Ginoo ug ang kamot sa hari naulian ug nabalik kini sama sa kaniadto.

Exodo 10:17

Busa pasayloa ako ninyo sa akong sala sa makausa na lamang, ug pag-ampo kamo sa Ginoo nga inyong Dios nga iyang kuhaon kining kamatay nga naglaglag kanako.”

Exodo 10:24

Unya ang Paraon mipatawag kang Moises, ug miingon, “Panglakaw kamo aron mag-alagad kamo sa Ginoo. Ang inyong mga kabataan makauban kaninyo apan kinahanglang ibilin ninyo ang inyong mga karnero ug ang inyong mga baka.”

Exodo 10:8

Busa si Moises ug si Aaron gidala pagbalik ngadto sa Paraon ug siya miingon kanila, “Panglakaw kamo, ug pag-alagad kamo sa Ginoo nga inyong Dios. Apan kinsa ang manglakaw?”

Exodo 11:1

Ang Ginoo miingon kang Moises, “Usa pa ka katalagman ang akong ipahamtang sa Paraon ug sa Ehipto. Human niana tugotan na kamo niya sa paglakaw gikan dinhi ug sa dihang palakwon na kamo niya, abugon kamo niya sa hingpit gayod.

Exodo 8:25

Unya ang Paraon mipatawag kang Moises ug kang Aaron, ug miingon, “Lakaw kamo ug paghalad kamo ngadto sa inyong Dios dinhi sa yuta.”

Exodo 8:28

Busa ang Paraon miingon, “Tugotan ko kamo sa paglakaw aron kamo maghalad didto sa kamingawan ngadto sa Ginoo nga inyong Dios apan ayaw kamo paglakaw ug layo kaayo. Pag-ampo kamo alang kanako.”

Exodo 8:4

Ang mga baki manungtong kanimo, sa imong katawhan ug sa tanan nimo nga mga alagad.’ ”

Exodo 8:8

Unya ang Paraon mipatawag kang Moises ug kang Aaron ug miingon, “Pag-ampo kamo ngadto sa Ginoo aron kuhaon niya ang mga baki gikan kanako ug gikan sa akong katawhan ug unya tugotan nako ang iyang katawhan sa paglakaw aron makahalad sila ngadto sa Ginoo.”

Jeremias 21:2

“Pagpakisayod sa Ginoo alang kanamo kay si Nabucodonosor nga hari sa Babilonia nakiggubat batok kanamo; basin pa ug ang Ginoo maghimo kanamo sumala sa tanan niyang mga kahibulongang buhat ug magpasibog kaniya gikan kanamo.”

Numeros 21:7

Ug ang katawhan miadto kang Moises ug miingon, “Nakasala kami tungod kay kami nagsulti batok sa Ginoo ug batok kanimo. Pag-ampo sa Ginoo nga kuhaon niya ang mga bitin gikan kanamo.” Ug si Moises nag-ampo alang sa katawhan.

Mga Buhat 8:24

Ug si Simon mitubag, “Iampo ako ninyo sa Ginoo nga wala untay mahitabo kanako sa inyong gisulti.”

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”