Exodo 9:24

Ang Biblia 2011

dihay ulan nga yelo ug kalayo nga walay hunong sa pagpangidlap taliwala sa ulan nga yelo. Hilabihan ka daghan ang yelo nga wala pa gayod mahitabo sa tibuok yuta sa Ehipto sukad kini nahimong nasod.

Cross References

Job 38:23

nga akong gitagana alang sa panahon sa kasamok, alang sa adlaw sa gubat ug sa pagpakig-away?

Salmo 105:32

Gihatagan niya sila ug yelo ingon nga ulan, ug mga kilat nga nagdilaab sa ilang yuta.

Salmo 18:13

Ang Ginoo usab mipadahunog didto sa kalangitan, ug ang Labing Halangdon mipalanog sa iyang tingog.

Exodo 10:6

Pun-on nila ang imong mga balay ug ang mga balay sa tanan nimong mga alagad, ug sa tanang mga Ehiptohanon, nga wala pa gayod makita sa imong katigulangan bisan sa imong mga apohan sukad sa adlaw nga mianhi sila niining yutaa hangtod karon.’ ” Ug mitalikod sila ug mibiya sa Paraon.

Exodo 9:18

Ugma sa ingon niining taknaa magpaulan ako ug hilabihan ka daghan nga yelo nga wala pa gayod mahitabo sa Ehipto sukad sa adlaw nga kini natukod hangtod karon.

Exodo 9:23

Busa gituy-od ni Moises ang iyang sungkod ngadto sa langit, ug nagpadalugdog ang Ginoo ug nagpaulan ug yelo ug ang kalayo mikatap ngadto sa yuta. Gipaulanan sa Ginoo ug ulan nga yelo ang yuta sa Ehipto,

Exodo 9:25

Ang ulan nga yelo mibundak sa tanan nga anaa sa kaumahan sa tibuok nga yuta sa Ehipto, sa mga tawo ug sa mga mananap. Ug ang ulan nga yelo mibundak sa tanang tanom sa kaumahan ug mibalibali sa tanang kahoy sa kaumahan.

Isaias 30:30

Ug ang Ginoo maghimo nga ang iyang halangdong tingog madungog, ug magpakita sa pagpaubos sa iyang bukton, diha sa pintas nga kasuko ug sa siga sa kalayo nga maglamoy, uban ang unos ug bagyo ug ulan nga yelo.

Ezequiel 1:4

Samtang ako nagtan-aw, dihay usa ka unos nga migula gikan sa amihanan, usa ka dakong panganod uban ang kahayag nga naglibot niini ug ang kalayo nga nagpangidlap, ug sa taliwala niini dihay sama sa naggilakgilak nga bronsi.

Ezequiel 13:13

Busa mao kini ang giingon sa Ginoong Dios: Pinaagi sa usa ka kusog nga hangin sa akong kapungot, ug moabot ang magbaha nga ulan sa akong kasuko, ug ang dagkong ulan nga yelo sa akong kapungot sa pagguba niini.

Mateo 24:21

Kay moabot unya ang dakong kalisdanan nga wala pa mahitabo sukad sa sinugdan sa kalibotan hangtod karon ug dili na gayod mahitabo pa.