Exodo 9:21

Ang Biblia 2011

Apan ang wala magtagad sa pulong sa Ginoo, nagpasagad sa iyang mga ulipon ug sa iyang kahayopan didto sa uma.

Cross References

1 Cronicas 22:19

Karon ibutang ang inyong hunahuna ug ang inyong kasingkasing sa pagpangita sa Ginoo nga inyong Dios. Pangandam kamo ug tukora ninyo ang balaang puluy-anan sa Ginoo nga Dios aron madala ang sudlanan sa kasabotan sa Ginoo ug ang mga balaang sudlanan sa Dios ngadto sa balay nga tukoron sa ngalan sa Ginoo.”

Job 34:14

Kon iyang bawion ang iyang espiritu ngadto sa iyang kaugalingon, ug iyang tigomon ngadto sa iyang kaugalingon ang iyang gininhawa,

Job 7:17

Unsa ba ang tawo nga ikaw naghatag man ug dakong pagtagad kaniya, ug nga ikaw naghunahuna man kaniya,

Exodo 7:23

Ang Paraon mitalikod ug mipauli sa iyang balay, wala gani manumbaling niini sa iyang kasingkasing.

Exodo 9:20

Unya ang nahadlok sa pulong sa Ginoo sa mga alagad sa Paraon nagpasulod sa iyang mga ulipon ug sa iyang kahayopan ngadto sa mga balay.

Exodo 9:22

Ug ang Ginoo miingon kang Moises, “Ituy-od ang imong kamot ngadto sa langit aron moabot ang ulan nga yelo sa tibuok yuta sa Ehipto, nganha sa mga tawo, sa mga mananap, ug sa tanang tanom sa uma sa tibuok yuta sa Ehipto.”

Mga Panultihon 22:3

Ang usa ka maalamon nga tawo makakita sa daotan ug magtago sa iyang kaugalingon; apan ang yano mopadayon ug mag-antos tungod niini.

Mga Panultihon 24:32

Unya akong nakita ug gihunahuna kini; akong gitan-aw ug nadawat ang pahimangno.

Ezequiel 40:4

Ug ang tawo miingon kanako, “Anak sa tawo, tan-aw pinaagi sa imong mga mata, ug pamati pinaagi sa imong mga dalunggan, ug timan-i diha sa imong hunahuna ang tanan nga ipakita nako kanimo, kay gidala ikaw dinhi aron kini ikapakita nako kanimo. Isugilon ang tanan nga makita nimo ngadto sa balay sa Israel.”

Daniel 10:12

Unya siya miingon kanako, “Ayaw kahadlok, Daniel, kay sukad sa unang adlaw nga gipahiluna nimo ang imong kasingkasing sa pagsabot, ug nagpaubos ikaw sa imong kaugalingon atubangan sa imong Dios, ang imong mga pulong gidungog ug ako mianhi tungod sa imong mga pulong.

1 Samuel 4:20

Sa dihang nag-ungaw siya sa kamatayon, ang mga babaye nga nag-atiman miingon kaniya, “Ayaw kahadlok kay ikaw nanganak ug usa ka batang lalaki.” Apan wala siya motubag o mohatag ug pagtagad.