Exodo 9:15

Ang Biblia 2011

Kay kon karon gibakyaw pa nako ang akong kamot ug gihampak ikaw ug ang imong katawhan pinaagi sa kamatay, patay na unta kamo.

Cross References

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

1 Mga Hari 13:34

Kining butanga nahimong sala sa panimalay ni Jeroboam, nga tungod niana puohon ug laglagon kini gikan sa nawong sa yuta.

2 Mga Hari 17:36

apan kahadloki ninyo ang Ginoo nga nagluwas kaninyo gikan sa yuta sa Ehipto pinaagi sa dakong gahom ug sa tinuy-od nga bukton. Ug kaniya kamo magyukbo ug kaniya kamo maghalad.

2 Mga Hari 19:35

Ug niadtong gabhiona, ang anghel sa Ginoo migula ug gipatay ang 185,000 nga diha sa kampo sa mga Asirianhon, ug sa pagbangon sa mga tawo sayo sa buntag, tan-awa, kining tanan patay na.

Exodo 14:28

Ug ang tubig mibalik ug mitabon sa mga karwahi ug sa mga tigpangabayo ug sa tibuok panon sa Paraon nga misunod kanila ngadto sa dagat ug walay nahibilin kanila bisan usa.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 9:14

Kay niining panahona ako magpadala sa tanan nakong katalagman diha sa imong kasingkasing, sa imong mga alagad ug sa imong katawhan, aron ikaw mahibalo nga walay usa nga sama kanako sa tibuok kalibotan.

Exodo 9:16

Apan gitugotan ko ikaw nga mabuhi alang niining maong tuyo, aron sa pagpakita kanimo sa akong gahom ug aron ang akong ngalan masangyaw sa tibuok kalibotan.

Exodo 9:3

ang kamot sa Ginoo magpahamtang ug makalilisang nga kamatay nganha sa imong kahayopan nga anaa sa kaumahan, sa mga kabayo, sa mga asno, sa mga kamilyo, sa mga baka, ug sa mga karnero.

Exodo 9:6

Sa pagkasunod adlaw gibuhat kini sa Ginoo, ug nangamatay ang tanang kahayopan sa Ehipto, apan sa kahayopan sa katawhan sa Israel walay usa nga namatay.

Mga Panultihon 2:22

apan ang mga daotan hinginlan gikan sa yuta, ug ang mabudhion ibton gikan niini.