Exodo 8:29

Ang Biblia 2011

Unya si Moises miingon, “Mobiya ako kanimo ug mag-ampo ako ngadto sa Ginoo nga ang mga panon sa langaw mamahawa gikan kanimo, sa imong mga alagad ug sa imong katawhan ugma, apan ayaw na panglimbong pinaagi sa dili pagpalakaw sa katawhan aron sa paghalad ngadto sa Ginoo.”

Cross References

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Exodo 8:15

Apan sa pagkakita sa Paraon nga miarang-arang na, gipagahi niya ang iyang kasingkasing ug wala mamati kanila sumala sa gisulti sa Ginoo.

Exodo 8:8

Unya ang Paraon mipatawag kang Moises ug kang Aaron ug miingon, “Pag-ampo kamo ngadto sa Ginoo aron kuhaon niya ang mga baki gikan kanako ug gikan sa akong katawhan ug unya tugotan nako ang iyang katawhan sa paglakaw aron makahalad sila ngadto sa Ginoo.”

Exodo 9:30

Apan mahitungod kanimo ug sa imong mga alagad, nahibalo ako nga wala pa gihapon kamo mahadlok sa Ginoo nga Dios.”

Jeremias 42:4

Unya si Jeremias nga propeta miingon kanila, “Ako nakadungog kaninyo; ania, ako mag-ampo ngadto sa Ginoo nga inyong Dios sumala sa inyong gipangayo, ug bisan unsa ang itubag sa Dios kaninyo, sultihan ko kamo. Dili ako magtago ug bisan unsa gikan kaninyo.”

Mga Taga-Galacia 6:7

Ayaw kamo palimbong; ang Dios dili kabugalbugalan, kay bisan unsay ipugas sa tawo, mao usab kana ang iyang anihon.