Exodo 8:26

Ang Biblia 2011

Apan si Moises miingon, “Dili angay ang pagbuhat sa ingon kay maghalad kami ngadto sa Ginoo nga among Dios sa halad nga dulumtanan sa mga Ehiptohanon. Kon maghalad kami ug mga mananap nga dulumtanan sa mga Ehiptohanon sa atubangan sa ilang mga mata, dili ba kami unya nila batoon?

Cross References

Genesis 43:32

Ug siya gidulotan nila nga siya ra, ug sila gidulotan usab nga sila ra, ug ang mga Ehiptohanon nga nagkaon uban kaniya gilain usab pagdulot kay ang mga Ehiptohanon dili mahimong makigsalo ug pagkaon uban sa mga Hebreo kay kana usa ka butang nga dulumtanan alang sa mga Ehiptohanon.

Genesis 46:34

ingna ninyo, ‘Ang imong mga ulipon mga tig-atiman sa kahayopan sukad pa sa among pagkabata hangtod karon, kami ug ang among mga ginikanan,’ aron makapuyo kamo sa yuta sa Gosen kay ang tanan nga mga tigbantay sa karnero dulumtanan ngadto sa mga Ehiptohanon.”

2 Mga Hari 23:13

Gipasipalahan sa hari ang mga habog nga dapit nga diha sa silangan sa Jerusalem, dapit sa habagatan sa Bungtod sa Pagkadunot nga gitukod ni Solomon nga hari sa Israel alang kang Astarot nga dulumtanan nga iya sa mga Sidonhanon, ug alang kang Camos nga dulumtanan nga iya sa Moab ug alang kang Milcom nga dulumtanan nga iya sa mga Amonihanon.

Esdras 9:1

Human mahimo kining mga butanga, ang mga tinugyanan miduol kanako ug miingon, “Ang katawhan sa Israel, ang mga pari ug ang mga Levihanon wala maglain sa ilang kaugalingon gikan sa katawhan sa mga kayutaan nga may mga dulumtanan, gikan sa mga Canaanhon, sa mga Hitihanon, sa mga Perisihanon, sa mga Jebusihanon, sa mga Amonihanon, sa mga Moabihanon, sa mga Ehiptohanon ug sa mga Amorihanon.

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Exodo 8:8

Unya ang Paraon mipatawag kang Moises ug kang Aaron ug miingon, “Pag-ampo kamo ngadto sa Ginoo aron kuhaon niya ang mga baki gikan kanako ug gikan sa akong katawhan ug unya tugotan nako ang iyang katawhan sa paglakaw aron makahalad sila ngadto sa Ginoo.”

Isaias 44:19

Walay naghunahuna o adunay kaalam o pagsabot aron sa pag-ingon, “Gisunog nako sa kalayo ang katunga niini, ako usab nagluto ug pan ibabaw sa mga baga niini, ako nagsugba ug unod ug mikaon ug himoon ba nako ang salin niini nga usa ka dulumtanan? Mohapa ba ako sa atubangan sa punoan sa usa ka kahoy?”