Exodo 8:22

Ang Biblia 2011

Apan nianang adlawa ilain nako ang yuta sa Gosen diin nagpuyo ang akong katawhan, aron walay mga panon sa langaw nga makaadto. Kini aron mahibalo ikaw nga ako mao ang Ginoo nga ania sa taliwala sa yuta.

Cross References

Genesis 46:34

ingna ninyo, ‘Ang imong mga ulipon mga tig-atiman sa kahayopan sukad pa sa among pagkabata hangtod karon, kami ug ang among mga ginikanan,’ aron makapuyo kamo sa yuta sa Gosen kay ang tanan nga mga tigbantay sa karnero dulumtanan ngadto sa mga Ehiptohanon.”

Salmo 110:2

Ang magpadala sa imong gamhanang sitro ipadala sa Ginoo gikan sa Zion. Paghari sa taliwala sa imong mga kaaway!

Salmo 74:12

Apan ang Dios nga akong Hari gikan pa sa kakaraanan, naghimo sa kaluwasan diha sa taliwala sa yuta.

Exodo 10:23

Sila wala magkit-anay ug walay bisan kinsa nga mitindog gikan sa iyang dapit sulod sa tulo ka adlaw, apan ang tanang katawhan sa Israel adunay kahayag sa ilang mga puluy-anan.

Exodo 12:13

Ang dugo mao unyay ilhanan alang kaninyo diha sa mga balay nga inyong gipuy-an. Ug kon makita nako ang dugo, mosaylo ako kaninyo ug walay katalagman nga moabot kaninyo sa diha nga hampakon nako ang Ehipto.

Exodo 19:5

Busa karon, kon magtuman kamo sa akong tingog ug magsubay sa akong kasabotan kaninyo, kamo mahimo nga akong kaugalingong bahandi taliwala sa tanang katawhan kay ang tibuok kalibotan akoa man.

Exodo 20:11

Kay sa unom ka adlaw gibuhat sa Ginoo ang langit ug ang yuta, ang dagat ug ang tanan nga anaa niini ug mipahulay siya sa ikapitong adlaw. Busa gipanalanginan sa Ginoo ang adlaw nga igpapahulay ug gibalaan kini.

Exodo 7:17

Mao kini ang giingon sa Ginoo: Pinaagi niini makaila ikaw nga ako mao ang Ginoo, tan-awa, akong hampakon sa sungkod nga ania sa akong kamot ang tubig nga anaa sa suba sa Nilo ug kini mahimong dugo.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Exodo 8:10

Ug ang Paraon miingon, “Ugma.” Si Moises miingon, “Matuman kini sumala sa imong pulong, aron mahibalo ikaw nga walay usa nga sama sa Ginoo nga among Dios.

Exodo 8:21

Kay kon ikaw dili motugot sa pagpalakaw sa akong katawhan, magpadala ako ug mga panon sa langaw nganha kanimo ug sa imong mga alagad ug sa imong katawhan ug sa sulod sa imong mga balay. Ug ang mga balay sa mga Ehiptohanon mapuno sa mga panon sa langaw ug ang yuta usab nga gipuy-an nila.

Exodo 8:23

Ug magbutang ako ug usa ka ali sa taliwala sa akong katawhan ug sa imong katawhan. Ugma mahitabo kining maong milagro.’ ”

Exodo 9:26

Sa yuta lamang sa Gosen diin nagpuyo ang katawhan sa Israel ang walay ulan nga yelo.

Exodo 9:29

Ug si Moises miingon kaniya, “Sa dihang makagula na ako sa siyudad, ibayaw dayon nako ang akong mga kamot ngadto sa Ginoo ug mohunong ang dalugdog, ug wala nay ulan nga yelo aron ikaw mahibalo nga ang kalibotan iya sa Ginoo.

Exodo 9:4

Apan ang Ginoo maghimo ug kalainan taliwala sa kahayopan sa Israel ug sa kahayopan sa Ehipto aron walay mamatay sa tanan nga ila sa katawhan sa Israel.’ ”

Exodo 9:6

Sa pagkasunod adlaw gibuhat kini sa Ginoo, ug nangamatay ang tanang kahayopan sa Ehipto, apan sa kahayopan sa katawhan sa Israel walay usa nga namatay.

Ezequiel 30:19

Sa ingon niana ako mgpahamtang ug mga buhat sa paghukom batok sa Ehipto Unya sila makaila nga ako mao ang Ginoo.”

Malaquias 3:18

Unya sa makausa pa, inyong mailhan ang kalainan taliwala sa matarong ug sa daotan, taliwala sa nag-alagad sa Dios ug sa wala mag-alagad kaniya.