Exodo 8:18

Ang Biblia 2011

Ang mga tigsalamangka misulay pinaagi sa ilang mga lamat aron sa pagpatungha ug mga tagnok apan wala sila makahimo. Dihay mga tagnok sa mga tawo ug sa mga mananap.

Cross References

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

Exodo 10:23

Sila wala magkit-anay ug walay bisan kinsa nga mitindog gikan sa iyang dapit sulod sa tulo ka adlaw, apan ang tanang katawhan sa Israel adunay kahayag sa ilang mga puluy-anan.

Exodo 7:11

Unya gipatawag sa Paraon ang mga maalamon ug ang mga tigsalamangka; ug sila usab nga may mga anting-anting diha sa Ehipto nagbuhat ug sama niini pinaagi sa ilang mga lamat.

Exodo 7:12

Kay ang matag usa miitsa sa iyang sungkod ug nahimo kining mga bitin apan ang sungkod ni Aaron milamoy sa ilang mga sungkod.

Exodo 8:7

Apan ang mga tigsalamangka mibuhat sa samang butang pinaagi sa ilang mga lamat ug mipatungha ug mga baki sa ibabaw sa yuta sa Ehipto.

Exodo 9:11

Ug ang mga tigsalamangka wala makatindog sa atubangan ni Moises tungod sa mga hubag kay ang mga hubag mitakboy man sa mga tigsalamangka ug sa tanang mga Ehiptohanon.

Isaias 19:12

Hain na man ang inyong maalamon nga mga tawo? Pasultiha sila kanimo ug magpahibalo kon unsa ang gitinguha sa Ginoo sa mga panon mahitungod sa Ehipto.

Daniel 4:7

Unya miabot ang mga tigsalamangka, ang mga tigpanglamat, ang mga Caldeanhon, ug ang mga tigpanagna pinaagi sa mga bituon ug akong gisugilon kanila ang damgo apan wala sila makapadayag kanako sa hubad niini.

Daniel 5:8

Unya misulod ang tanang mga maalamong tawo sa hari apan wala sila makabasa sa sinulat o makapadayag ngadto sa hari sa hubad niini.

Lucas 10:18

Ug si Jesus miingon kanila, “Nakita nako si Satanas nga nahulog sama sa kilat gikan sa langit.