Exodo 8:16

Ang Biblia 2011

Unya ang Ginoo miingon kang Moises, “Ingna si Aaron, ‘Ituy-od ang imong sungkod ug hampaka ang abog sa yuta aron mahimong mga tagnok sa tibuok yuta sa Ehipto.’ ”

Cross References

Salmo 105:31

Siya misulti, ug mitungha ang dakong panon sa mga langaw, ug mga tagnok sa tibuok nilang kayutaan.

Exodo 4:23

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 8:15

Apan sa pagkakita sa Paraon nga miarang-arang na, gipagahi niya ang iyang kasingkasing ug wala mamati kanila sumala sa gisulti sa Ginoo.

Exodo 8:17

Ug kini gibuhat nila; gituy-od ni Aaron ang iyang kamot uban ang iyang sungkod ug gihampak ang abog sa yuta ug mitungha ang mga tagnok diha sa mga tawo ug sa mga mananap. Ang tanang abog sa yuta nahimong mga tagnok sa tibuok yuta sa Ehipto.

Exodo 8:18

Ang mga tigsalamangka misulay pinaagi sa ilang mga lamat aron sa pagpatungha ug mga tagnok apan wala sila makahimo. Dihay mga tagnok sa mga tawo ug sa mga mananap.

Exodo 8:5

Ug ang Ginoo miingon kang Moises, “Ingna si Aaron, ‘Tuy-ora ang imong kamot uban ang imong sungkod ibabaw sa mga suba, sa mga kanal ug sa mga danawan aron patunghaon ang mga baki sa ibabaw sa yuta sa Ehipto.’ ”