Exodo 8:14

Ang Biblia 2011

Ug ilang gitigom ang mga baki nga pinundok ug ang yuta nabaho.

Cross References

1 Mga Hari 18:26

Ug ilang gikuha ang laking baka nga gihatag kanila ug giandam nila kini ug nagtawag sa ngalan ni Baal gikan sa buntag hangtod sa udto, nga nag-ingon, “O Baal, tubaga kami!” Apan walay tingog, walay si bisan kinsa nga mitubag. Ug sila nagluksolukso nga naglibotlibot sa halaran nga ilang gibuhat.

1 Mga Hari 18:29

Ug sa dihang milabay na ang kaudtohon, sila nagpadayon hangtod sa panahon sa paghalad sa haponong halad apan walay tingog, walay bisan usa nga mitubag, walay bisan usa nga nagtagad.

Exodo 7:21

Ug ang mga isda nga diha sa suba nangamatay, ug ang suba nabaho nga tungod niana ang mga Ehiptohanon wala makainom sa tubig nga gikan niini. Ug ang dugo milukop sa tibuok yuta sa Ehipto.

Exodo 8:13

Ug ang Ginoo nagbuhat sumala sa pulong ni Moises, ug nangamatay ang mga baki sa mga balay, sa mga tugkaran ug sa mga uma.

Exodo 8:15

Apan sa pagkakita sa Paraon nga miarang-arang na, gipagahi niya ang iyang kasingkasing ug wala mamati kanila sumala sa gisulti sa Ginoo.

Exodo 8:24

Kini gibuhat sa Ginoo. Mitungha ang dagkong mga panon sa langaw sulod sa balay sa Paraon, sulod sa mga balay sa iyang mga alagad ug sa tibuok yuta sa Ehipto. Ug ang yuta nadaot tungod sa mga panon sa langaw.

Exodo 9:11

Ug ang mga tigsalamangka wala makatindog sa atubangan ni Moises tungod sa mga hubag kay ang mga hubag mitakboy man sa mga tigsalamangka ug sa tanang mga Ehiptohanon.

Isaias 19:11

Ang mga pangulo sa Zoan mga buangbuang gayod; ang mga maalamon nga magtatambag sa Paraon naghatag ug binuang nga tambag. Unsaon man ninyo pag-ingon sa Paraon, “Ako anak sa maalamon, anak sa mga karaang hari”?

Isaias 34:2

Kay ang Ginoo nasuko batok sa tanang mga nasod, ug napungot batok sa tanan nilang panon, siya naglaglag gayod kanila, nagtugyan kanila aron ihawon.

Ezequiel 39:11

“Nianang adlawa akong ihatag kang Gog ang usa ka dapit ingon nga lubnganan didto sa Israel, ang Walog sa mga Magpapanaw sa sidlakan sa dagat. Kini mag-ali sa mga magpapanaw, ug didto ilubong si Gog ug ang tanan niyang panon sa katawhan, ug kini nganlan ug Walog sa Hamon-gog.

Joel 2:20

“Akong ipalayo gikan kanimo ang anaa sa amihanan ug abogon kini ngadto sa uga ug mingaw nga yuta, ang atubangan niini ngadto sa dagat sa silangan, ug ang luyo niini ngadto sa dagat sa kasadpan; ang isog ug hugaw nga baho niini mangalisbo. Siya gayod nagbuhat ug dagkong mga butang!