Exodo 7:4

Ang Biblia 2011

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Cross References

Exodo 10:1

Unya ang Ginoo miingon kang Moises, “Adtoa ang Paraon, kay akong gipagahi ang iyang kasingkasing ug ang kasingkasing sa iyang mga alagad aron sa paghatag ngadto kanila niining akong mga ilhanan,

Exodo 11:9

Unya ang Ginoo miingon kang Moises, “Ang Paraon dili mamati kaninyo aron ang akong mga kahibulongang buhat padaghanon sa yuta sa Ehipto.”

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 13:9

Kini mahimo ingon nga sama sa usa ka ilhanan diha sa inyong kamot ug usa ka pahinumdom taliwala sa inyong mga mata, aron ang balaod sa Ginoo maana sa inyong baba. Kay tungod sa kusgan nga kamot gikuha kamo sa Ginoo gikan sa Ehipto.

Exodo 18:8

Unya gisugilon ni Moises sa iyang ugangan ang tanan nga gibuhat sa Ginoo ngadto sa Paraon ug sa mga Ehiptohanon tungod sa Israel, ug ang tanang kalisdanan nga miabot kanila sa dalan ug giunsa sa Ginoo pagluwas kanila.

Exodo 3:19

Nahibalo ako nga ang hari sa Ehipto dili motugot kaninyo sa paglakaw, gawas kon pinaagi sa usa ka gamhanang kamot.

Exodo 3:20

Busa tuy-oron nako ang akong kamot ug hampakon nako ang Ehipto pinaagi sa tanang mga katingalahan nga buhaton nako taliwala niini, ug human niana tugotan kamo niya sa paglakaw.

Exodo 6:1

Apan ang Ginoo miingon kang Moises, “Karon imong makita kon unsay buhaton nako sa Paraon kay pinaagi sa kamot nga kusgan motugot siya sa pagpalakaw kanila ug pinaagi sa kamot nga kusgan iyang abogon sila ngadto sa gawas sa iyang yuta.”

Exodo 6:26

Kini mao ang Aaron ug Moises nga giingnan sa Ginoo, “Kuhaa ang katawhan sa Israel gikan sa yuta sa Ehipto sumala sa ilang mga panon.”

Exodo 6:6

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Exodo 7:13

Sa gihapon ang kasingkasing sa Paraon gahi ug siya wala mamati kanila sumala sa gisulti sa Ginoo.

Exodo 7:16

Ug ingna siya, ‘Ang Ginoo, ang Dios sa mga Hebreo, nagsugo kanako nganhi kanimo, nga nag-ingon, “Tugoti sa paglakaw ang akong katawhan aron sila makaalagad kanako didto sa kamingawan ug tan-awa, wala pa gihapon ikaw motuman.”

Exodo 8:15

Apan sa pagkakita sa Paraon nga miarang-arang na, gipagahi niya ang iyang kasingkasing ug wala mamati kanila sumala sa gisulti sa Ginoo.

Exodo 8:19

Unya ang mga tigsalamangka miingon sa Paraon, “Kini mao ang tudlo sa Dios.” Apan ang kasingkasing sa Paraon migahi ug siya wala mamati kanila sumala sa gisulti sa Ginoo.

Exodo 9:12

Apan gipagahi sa Ginoo ang kasingkasing sa Paraon ug siya wala mamati kanila, sumala sa gisulti sa Ginoo kang Moises.

Exodo 9:3

ang kamot sa Ginoo magpahamtang ug makalilisang nga kamatay nganha sa imong kahayopan nga anaa sa kaumahan, sa mga kabayo, sa mga asno, sa mga kamilyo, sa mga baka, ug sa mga karnero.

Mga Panultihon 19:29

Ang mga paghukom andam alang sa mga mayubiton, ug ang mga pagbunal alang sa bukobuko sa mga buangbuang.

Isaias 26:9

Ang akong kalag nangandoy kanimo diha sa kagabhion, ang akong espiritu sa sulod nako matinud-anon nga nangita kanimo. Kay sa diha nga ang imong mga paghukom anaa na sa yuta, ang mga nagpuyo sa kalibotan makakat-on sa pagkamatarong.

Mga Pagbangotan 3:3

batok gayod kanako iyang gipaatubang ang iyang kamot sa makadaghan sa tibuok nga adlaw.

Ezequiel 14:21

“Kay mao kini ang giingon sa Ginoong Dios: Unsa pa kaha kon ipadala nako ang akong upat ka dagkong hukom ngadto sa Jerusalem, ang espada ug ang gutom ug ang mga bangis nga mananap ug ang kamatay aron sa paglaglag gikan niini sa tawo ug mananap!

Ezequiel 25:11

ug ipahamtang nako ang mga hukom batok sa Moab. Unya makaila sila nga ako mao ang Ginoo.

Ezequiel 30:14

Himoon nako nga biniyaan ang Patros, ug magpadilaab ug kalayo sa Zoan, ug magpahamtang ako ug hukom sa Tebes.

Ezequiel 30:19

Sa ingon niana ako mgpahamtang ug mga buhat sa paghukom batok sa Ehipto Unya sila makaila nga ako mao ang Ginoo.”

Gipadayag 15:4

Kinsa bay dili mahadlok ug dili maghimaya sa imong ngalan, O Ginoo? Kay ikaw lamang mao ang balaan. Ang tanang kanasoran manganha ug magsimba diha sa imong atubangan, kay ang imong mga hukom gikapadayag na man.”

Gipadayag 16:7

Ug nadungog nako ang halaran nga misinggit, “Oo, Ginoong Dios nga Makagagahom sa Tanan, matuod ug matarong ang imong mga hukom!”

Gipadayag 19:2

kay ang iyang mga hukom matuod ug matarong, iyang gihukman ang bantogang daotan nga babaye nga nakapahugaw sa kalibotan pinaagi sa iyang pagkamakihilawason, ug diha kaniya gipanimaslan sa Dios ang dugo sa iyang mga sulugoon.”

Mga Maghuhukom 2:15

Sa dihang manggula sila, ang kamot sa Ginoo batok kanila alang sa daotan, sumala sa gipasidaan sa Ginoo ug sumala sa gipanumpa sa Ginoo kanila ug sila nahimutang sa lisod nga kahimtang.