Exodo 7:22

Ang Biblia 2011

Apan ang mga tigsalamangka sa Ehipto mibuhat sa samang butang pinaagi sa ilang mga lamat, busa ang kasingkasing sa Paraon nagpabilin nga gahi ug siya wala mamati kanila, sumala sa gisulti sa Ginoo.

Cross References

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

Exodo 7:11

Unya gipatawag sa Paraon ang mga maalamon ug ang mga tigsalamangka; ug sila usab nga may mga anting-anting diha sa Ehipto nagbuhat ug sama niini pinaagi sa ilang mga lamat.

Exodo 7:13

Sa gihapon ang kasingkasing sa Paraon gahi ug siya wala mamati kanila sumala sa gisulti sa Ginoo.

Exodo 7:21

Ug ang mga isda nga diha sa suba nangamatay, ug ang suba nabaho nga tungod niana ang mga Ehiptohanon wala makainom sa tubig nga gikan niini. Ug ang dugo milukop sa tibuok yuta sa Ehipto.

Exodo 7:23

Ang Paraon mitalikod ug mipauli sa iyang balay, wala gani manumbaling niini sa iyang kasingkasing.

Jeremias 27:18

Kon sila mga propeta ug kon ang pulong sa Ginoo anaa kanila, papangamuyoa sila karon sa Ginoo sa mga panon, aron ang mga kagamitan nga nahibilin sa balay sa Ginoo, sa balay sa hari sa Juda ug sa Jerusalem, dili mahiadto sa Babilonia.

2 Timoteo 3:8

Ingon nga si Janes ug si Jambres misupak kang Moises, kining mga tawhana nagsupak usab sa kamatuoran, mga tawo nga dunot ug panghunahuna ug mga mini ug pagtuo.