Exodo 7:17

Ang Biblia 2011

Mao kini ang giingon sa Ginoo: Pinaagi niini makaila ikaw nga ako mao ang Ginoo, tan-awa, akong hampakon sa sungkod nga ania sa akong kamot ang tubig nga anaa sa suba sa Nilo ug kini mahimong dugo.

Cross References

1 Mga Hari 20:28

Unya usa ka tawo sa Dios miduol ug miingon sa hari sa Israel, “Mao kini ang gisulti sa Ginoo, ‘Tungod kay ang mga Sirianhon nag-ingon, “Ang Ginoo usa ka dios sa kabungtoran, apan dili siya dios sa mga walog,” busa itugyan nako kining dakong panon nganha sa imong kamot, ug ikaw mahibalo nga ako mao ang Ginoo.’ ”

2 Mga Hari 19:19

Busa karon, O Ginoo nga among Dios, luwasa kami, naghangyo ako kanimo, gikan sa iyang kamot, aron ang tanang gingharian sa yuta mahibalo nga ikaw lamang gayod, O Ginoo, mao ang Dios.”

Salmo 105:29

Gihimo niya nga dugo ang ilang katubigan ug gipamatay ang ilang mga isda.

Salmo 78:44

Gihimo niya nga dugo ang ilang mga suba, aron sa ilang kasapaan sila dili makainom.

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

Salmo 9:16

Ang Ginoo nagpaila sa iyang kaugalingon, nagpahamtang siya ug paghukom; ang daotan nalit-ag sa buhat sa iyang kaugalingong mga kamot. Higgaion. Selah

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Exodo 10:2

ug aron makasugilon kamo sa inyong mga anak ug sa inyong mga apo kon unsa ang akong gibuhat ngadto sa mga Ehiptohanon ug ang mga ilhanan nga gibuhat nako sa taliwala nila, aron mahibalo kamo nga ako mao ang Ginoo.”

Exodo 4:9

Kon dili pa gayod sila motuo niining duha ka ilhanan o mamati sa imong tingog, pagkuha ug tubig sa suba sa Nilo ug ibubo kini sa yuta. Ug ang tubig nga imong kuhaon sa suba mahimong dugo ibabaw sa yuta.”

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Exodo 6:7

Kuhaon ko kamo ingon nga akong katawhan ug ako mahimo nga inyong Dios. Ug kamo mahibalo nga ako, ang Ginoo nga inyong Dios, nagpagula kaninyo gikan sa mga kabug-at nga gipapas-an kaninyo sa mga Ehiptohanon.

Exodo 7:20

Si Moises ug si Aaron mibuhat sa gisugo sa Ginoo, ug sa atubangan sa Paraon ug sa atubangan sa iyang mga alagad gibakyaw niya ang sungkod ug gihampak kini sa tubig sa suba, ug ang tanang tubig sa suba nahimong dugo.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Ezequiel 25:17

Ug ipahamtang nako ang usa ka dakong panimalos ngadto kanila uban ang mga pagpanton nga puno sa kaligutgot. Unya sila makaila nga ako mao ang Ginoo, sa diha nga ipahamtang nako ang akong panimalos batok kanila.”

Ezequiel 29:9

Ug ang yuta sa Ehipto mahimong biniyaan ug awaaw. Unya sila makaila nga ako mao ang Ginoo. “Tungod kay ikaw nag-ingon, ‘Ang Nilo akoa ug ako ang nagbuhat niini,’

Ezequiel 30:19

Sa ingon niana ako mgpahamtang ug mga buhat sa paghukom batok sa Ehipto Unya sila makaila nga ako mao ang Ginoo.”

Ezequiel 30:8

Unya sila makaila nga ako mao ang Ginoo sa diha nga magpadilaab ako ug kalayo sa Ehipto, ug ang tanang motabang kaniya mangalaglag.

Ezequiel 32:15

Sa diha nga himoon nako nga kamingawan ang yuta sa Ehipto, sa dihang hutdan kini sa nakapuno niini, sa diha nga puohon nako silang tanan nga nagpuyo niini, sila makaila unya nga ako mao ang Ginoo.

Ezequiel 32:6

Humdon nako ang yuta sa imong dugo nga nagdagayday bisan hangtod sa mga kabukiran, ug ang mga suba mapuno kanimo.

Ezequiel 38:23

Ako magpadayag sa akong pagkagamhanan ug pagkabalaan, ug magpaila sa akong kaugalingon diha sa mga mata sa daghang mga nasod. Unya sila makaila nga ako mao ang Ginoo.

Ezequiel 39:28

Unya sila makaila nga ako mao ang Ginoo nga ilang Dios, tungod kay ako ang nagpabihag kanila ngadto sa mga nasod, ug unya nagtigom kanila ngadto sa ilang kaugalingong yuta. Ug ako walay ibilin bisan kinsa kanila didto.

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Daniel 5:21

Siya giabog gikan sa mga tawo ug ang iyang hunahuna gihimo nga sama sa mananap ug ang iyang puluy-anan didto uban sa ihalas nga mga asno. Siya gipakaon ug sagbot sama sa baka ug ang iyang lawas nahumod sa yamog sa langit hangtod nga siya nakaila nga ang Labing Halangdon nga Dios nagmando sa gingharian sa mga tawo ug siya nagpahimutang sa ibabaw niini kang bisan kinsa nga buot niya.

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Gipadayag 11:6

Sila may kagahom sa pagtak-op sa langit aron walay ulan nga moabot sulod sa mga adlaw sa ilang pagpropesiya, ug sila may kagahom ibabaw sa katubigan aron sa paghimo niini nga dugo, ug sa paghampak sa yuta pinaagi sa tanang katalagman, bisan makapila sumala sa buot nila.

Gipadayag 8:8

Ang ikaduhang anghel mipatingog sa iyang trumpeta, ug dihay gilabay ngadto sa dagat nga sama sa usa ka dakong bukid nga nagdilaab sa kalayo,