Exodo 7:10

Ang Biblia 2011

Busa si Moises ug si Aaron miadto sa Paraon ug gibuhat nila kini sumala sa gisugo sa Ginoo ug giitsa ni Aaron ang iyang sungkod sa atubangan sa Paraon ug sa iyang mga alagad, ug kini nahimong bitin.

Cross References

Salmo 135:9

nga diha sa imong taliwala, O Ehipto, nagpadala siya ug mga ilhanan ug mga katingalahan batok sa Paraon, ug sa tanan niyang mga alagad;

Exodo 12:28

Unya ang katawhan sa Israel milakaw, ug nagbuhat sa ingon. Sumala sa gisugo sa Ginoo kang Moises ug kang Aaron sila nagbuhat.

Exodo 4:3

Siya miingon kaniya, “Ilabay kana sa yuta.” Busa iya kining gilabay sa yuta ug nahimo kining usa ka bitin. Ug si Moises mipalayo gikan niini.

Exodo 7:15

Adtoa ang Paraon sa pagkabuntag kay siya moadto sa tubig. Paabota siya sa daplin sa suba ug bitbita ang sungkod nga nahimong bitin.

Exodo 7:20

Si Moises ug si Aaron mibuhat sa gisugo sa Ginoo, ug sa atubangan sa Paraon ug sa atubangan sa iyang mga alagad gibakyaw niya ang sungkod ug gihampak kini sa tubig sa suba, ug ang tanang tubig sa suba nahimong dugo.

Exodo 7:6

Ug kini gibuhat ni Moises ug ni Aaron sumala sa gisugo sa Ginoo kanila.

Exodo 7:9

“Sa diha nga moingon ang Paraon kaninyo, ‘Ipamatuod ang inyong kaugalingon pinaagi sa pagbuhat ug milagro,’ ingna si Aaron, ‘Kuhaa ang imong sungkod ug iitsa kini sa atubangan sa Paraon aron mahimo kining bitin.’ ”

Amos 9:3

Bisan pa ug magtago sila sa ilang kaugalingon didto sa kinatumyan sa Carmel, gikan didto pangitaon nako sila ug kuhaon; bisan pa ug motago sila gikan sa akong panan-aw sa ilalom sa dagat, didto sugoon nako ang bitin ug kini mopaak kanila.

Marcos 16:18

kuptan nila ang mga bitin ug kon makainom sila ug bisan unsa nga makahilo, dili sila maunsa, tapin-an nila sa ilang mga kamot ang mga masakiton ug mangaayo sila.”

Lucas 10:19

Tan-awa, gihatagan ko kamo ug kagahom sa pagyatak sa mga bitin ug mga tanga ug ibabaw sa tanang gahom sa kaaway, ug walay makadaot kaninyo.