Exodo 6:6

Ang Biblia 2011

Busa sultihi ang katawhan sa Israel nga ako mao ang Ginoo, ug ako magpagawas kaninyo gikan sa mga kabug-at nga gipapas-an sa mga Ehiptohanon ug luwason ko kamo gikan sa ilang pagpangulipon ug lukaton ko kamo uban sa bukton nga tinuy-od ug uban sa dagkong buhat sa paghukom.

Cross References

1 Mga Hari 8:42

kay sila nakadungog sa imong gamhanang ngalan ug sa imong gamhanang kamot ug sa imong tinuy-od nga bukton, sa diha nga siya moanhi ug mag-ampo nganhi niining balaya,

2 Mga Hari 17:36

apan kahadloki ninyo ang Ginoo nga nagluwas kaninyo gikan sa yuta sa Ehipto pinaagi sa dakong gahom ug sa tinuy-od nga bukton. Ug kaniya kamo magyukbo ug kaniya kamo maghalad.

1 Cronicas 17:21

Unsa pa nga nasod sa kalibotan ang sama sa imong katawhan nga Israel nga giadto sa Dios, aron lukaton aron mahimong iyang katawhan, naghimo alang sa imong kaugalingon ug usa ka ngalan pinaagi sa dagko ug makalilisang nga mga butang, sa paghingilin sa mga nasod gikan sa atubangan sa imong katawhan nga imong gilukat gikan sa Ehipto?

Nehemias 1:10

Sila imong mga alagad ug imong katawhan nga imong gilukat pinaagi sa imong dakong gahom, ug pinaagi sa imong kusgan nga kamot.

Salmo 77:16

Sa diha nga ang katubigan nakakita kanimo, O Dios, sa diha nga ang katubigan nakakita kanimo, nangahadlok sila, ang kahiladman usab nangurog.

Salmo 81:11

“Apan ang akong katawhan wala mamati sa akong tingog, ang Israel dili buot kanako.

Salmo 81:6

“Gipagaanan nako ang imong abaga gikan sa palas-anon; ang imong mga kamot gipalingkawas gikan sa bukag.

Salmo 81:7

Sa kalisdanan ikaw misangpit, ug ako nagluwas kanimo; gitubag ko ikaw sa tago nga dapit sa dalugdog; gisulayan ko ikaw didto sa katubigan sa Meriba. Selah

Exodo 1:11

Busa gibutangan nila sila ug mga tigdumala sa buhat aron sa paglisodlisod kanila pinaagi sa mga bug-at nga palas-anon. Ug nagtukod sila alang sa Paraon ug mga siyudad nga tigomanan sa mga bahandi nga mao ang Pitom ug Raamses.

Exodo 12:41

Human sa 430 ka tuig, niadto gayong adlawa, ang tanang panon sa Ginoo migula gikan sa yuta sa Ehipto.

Exodo 12:51

Ug niadto gayong adlawa, gikuha sa Ginoo ang katawhan sa Israel gikan sa yuta sa Ehipto sumala sa ilang mga panon.

Exodo 13:14

Ug kon moabot ang panahon nga ang inyong anak mangutana kaninyo, ‘Unsa bay gipasabot niini?’ ingna siya, ‘Pinaagi sa kusog sa kamot, ang Ginoo nagkuha kanamo gikan sa Ehipto, gikan sa balay sa kaulipnan.

Exodo 13:16

Ug kini mahimo alang kanimo nga usa ka timaan diha sa imong kamot ug ilhanan diha sa taliwala sa imong mga mata tungod kay pinaagi sa kusgan nga kamot ang Ginoo nagkuha kanamo gikan sa Ehipto.”

Exodo 13:3

Si Moises miingon sa katawhan, “Hinumdomi ninyo kining adlawa nga migawas kamo sa Ehipto, gikan sa balay sa kaulipnan kay ang Ginoo mikuha kaninyo gikan niining dapita pinaagi sa kusog sa iyang kamot. Walay pan nga may patubo nga inyong kaonon.

Exodo 15:13

“Ikaw sa imong gugmang walay paglubad nagmando sa katawhan nga imong gilukat; gitultolan nimo sila pinaagi sa imong kusog ngadto sa imong balaang puluy-anan.

Exodo 16:6

Busa si Moises ug si Aaron miingon sa tanang katawhan Israel, “Sa pagkagabii, inyong mahibaloan nga ang Ginoo mao ang mikuha kaninyo gikan sa yuta sa Ehipto.

Exodo 18:1

Si Jetro, ang pari sa Midian, nga ugangan ni Moises nakadungog mahitungod sa tanan nga gibuhat sa Dios kang Moises ug sa Israel nga iyang katawhan, kon giunsa sa Ginoo pagkuha sa Israel gikan sa Ehipto.

Exodo 2:11

Usa niana ka adlaw, sa dihang midako na si Moises, miadto siya sa iyang katawhan ug misud-ong sa ilang mga paghago ug nakita niya ang usa ka Ehiptohanon nga midagmal sa usa ka Hebreo nga usa sa iyang mga kadugo.

Exodo 3:17

Ug ako nagsaad sa pagkuha kaninyo gikan sa kalisdanan sa Ehipto ngadto sa yuta sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon, usa ka yuta diin nag-agas ang gatas ug dugos.” ’

Exodo 3:8

Busa nanaog ako sa pagluwas kanila gikan sa kamot sa mga Ehiptohanon, ug sa pagkuha kanila gikan niadtong yutaa ngadto sa usa ka maayo ug lapad nga yuta, sa yuta diin nag-agas ang gatas ug dugos, sa mga dapit sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Exodo 32:11

Apan si Moises mihangyo sa Ginoo nga iyang Dios ug miingon, “O Ginoo, ngano nga nagdilaab man ang imong kaligutgot batok sa imong katawhan nga imong gikuha gikan sa yuta sa Ehipto uban sa usa ka dakong gahom ug uban sa usa ka gamhanang kamot?

Exodo 6:2

Ug ang Dios miingon kang Moises, “Ako mao ang Ginoo.

Exodo 6:29

ang Ginoo miingon, “Ako ang Ginoo, sultihi ang Paraon nga hari sa Ehipto sa tanan nga akong gisulti kanimo.”

Exodo 6:8

Ug dad-on ko kamo ngadto sa yuta nga akong gipanumpa nga ihatag kang Abraham, kang Isaac ug kang Jacob ug ihatag ko kini kaninyo ingon nga panulundon. Ako mao ang Ginoo.”

Exodo 7:4

Unya ang Paraon dili mamati kaninyo ug ibutang nako ang akong kamot ibabaw sa Ehipto, ug kuhaon nako ang akong mga panon, ang akong katawhan nga mga anak ni Israel, gikan sa yuta sa Ehipto pinaagi sa dagkong mga buhat sa paghukom.

Exodo 7:5

Ug ang mga Ehiptohanon mahibalo nga ako mao ang Ginoo, sa diha nga tuy-oron nako ang akong kamot batok sa Ehipto ug kuhaon nako ang katawhan sa Israel gikan sa taliwala nila.”

Isaias 9:12

Ang mga Sirianhon sa silangan ug ang mga Filistihanon sa kasadpan naglamoy sa Israel uban sa baba nga nagbuka. Bisan pa niining tanan ang iyang kasuko wala mahanaw, ug gibakyaw gihapon niya ang iyang kamot.

Isaias 9:17

Busa ang Ginoo wala malipay sa ilang mga batan-on nga lalaki, ug walay kaluoy sa mga wala nay amahan ug sa mga biyuda; kay ang tanan mapasipalahon ug tigbuhat ug daotan, ug ang matag baba nagsulti ug binuang. Bisan pa niining tanan ang iyang kasuko wala mapuypoy ug ang iyang kamot gibakyaw gihapon niya.

Isaias 9:21

si Manases kang Efraim, ug si Efraim kang Manases, ug silang duha naghiusa batok kang Juda. Bisan pa niining tanan, ang iyang kasuko wala mapuypoy ug ang iyang kamot gibakyaw gihapon niya.

Jeremias 21:5

Ako gayod ang makig-away batok kaninyo pinaagi sa tinuy-od nga kamot ug sa kusgan nga bukton, diha sa kasuko ug diha sa kapungot ug diha sa dakong kaligutgot.

Jeremias 27:5

“Ako, pinaagi sa akong dakong gahom ug sa akong tinuy-od nga bukton, mao ang nagbuhat sa yuta, lakip ang mga tawo ug ang mga mananap nga anaa sa yuta, ug ihatag nako kini ngadto kang bisan kinsa nga matarong sa akong pagtan-aw.

Jeremias 32:21

Imong gidala ang imong katawhan nga Israel gikan sa yuta sa Ehipto uban sa mga ilhanan ug sa mga kahibulongan, uban sa kusgan nga kamot ug sa tinuy-od nga bukton, ug sa dakong kalisang.

Ezequiel 20:33

“Ingon nga ako buhi, nag-ingon ang Ginoong Dios, pinaagi gayod sa kamot nga gamhanan, ug pinaagi sa tinuy-od nga bukton ug pinaagi sa kaligutgot nga gibubo, ako mahimong hari ibabaw kaninyo.

Mga Buhat 13:17

Ang Dios niining katawhan sa Israel nagpili sa atong mga katigulangan ug gihimong bantogan ang katawhan sa panahon sa ilang pagpuyo didto sa yuta sa Ehipto, ug pinaagi sa bukton nga inisa iyang gipagula sila gikan didto.

Deuteronomio 11:2

Ug hinumdomi ninyo niining adlawa, kay ako wala makigsulti sa inyong mga anak nga wala mahibalo ug wala makakita niini, hinumdomi ang pagpanton sa Ginoo nga inyong Dios, sa iyang pagkadako, sa iyang gamhanang kamot ug sa iyang tinuy-od nga bukton,

Deuteronomio 15:15

Hinumdomi nga naulipon ikaw didto sa yuta sa Ehipto ug ang Ginoo nga imong Dios naglukat kanimo, busa gisugo nako kini kanimo niining adlawa.

Deuteronomio 26:8

Ug gikuha kami sa Ginoo gikan sa Ehipto pinaagi sa gamhanang kamot ug sa bukton nga tinuy-od uban sa makalilisang nga gahom, uban sa mga ilhanan ug mga katingalahan.

Deuteronomio 4:23

Pagmatngon kamo sa inyong kaugalingon kay tingali unya ug malimot kamo sa kasabotan sa Ginoo nga inyong Dios nga gibuhat niya uban kaninyo ug magbuhat kamo ug kinulit nga larawan sa dagway sa bisan unsa nga gidili kaninyo sa Ginoo nga inyong Dios.

Deuteronomio 4:34

May dios ba nga misulay sa pag-adto ug sa pagkuha alang kaniya ug usa ka nasod gikan sa taliwala sa laing nasod, pinaagi sa mga pagsulay, pinaagi sa mga ilhanan, pinaagi sa mga katingalahan, ug pinaagi sa gubat, ug pinaagi sa gamhanang kamot ug sa bukton nga tinuy-od, ug pinaagi sa mga dagkong kakuyaw, sumala sa mga butang nga gibuhat kaninyo sa Ginoo nga inyong Dios didto sa Ehipto sa atubangan sa inyong mga mata?

Deuteronomio 5:15

Hinumdomi nga kaniadto mga ulipon kamo didto sa yuta sa Ehipto ug nga ang Ginoo nga inyong Dios nagkuha kaninyo gikan didto pinaagi sa gamhanang kamot ug bukton nga tinuy-od. Tungod niana ang Ginoo nga inyong Dios nagsugo kaninyo sa pagtuman sa adlaw nga igpapahulay.

Deuteronomio 6:12

pagbantay kamo kay tingali unya ug makalimot kamo sa Ginoo nga nagpagula kaninyo gikan sa yuta sa Ehipto, gikan sa balay sa kaulipnan.

Deuteronomio 7:19

ang dagkong mga pagsulay nga nakita sa inyong mga mata, ang mga ilhanan ug mga kahibulongan, ang gamhanang kamot ug ang bukton nga tinuy-od nga pinaagi niini gipagula kamo sa Ginoo nga inyong Dios, busa ingon niini ang buhaton sa Ginoo nga inyong Dios ngadto sa tanang mga katawhan nga inyong gikahadlokan.

Deuteronomio 7:8

apan kini tungod kay ang Ginoo nahigugma kaninyo ug nagtuman sa panumpa nga iyang gipanumpa sa inyong mga katigulangan nga gikuha kamo sa Ginoo pinaagi sa gamhanang kamot ug gilukat kamo gikan sa balay sa kaulipnan, gikan sa kamot sa Paraon nga hari sa Ehipto.

Deuteronomio 9:29

Kay sila imong katawhan ug imong kabilin nga imong gikuha pinaagi sa imong dakong gahom ug sa imong bukton nga tinuy-od.’