Exodo 6:3

Ang Biblia 2011

Ako mipakita kang Abraham, kang Isaac ug kang Jacob, ingon nga Dios nga Labing Gamhanan apan sa akong ngalan, Yahweh, wala ako magpaila kanila.

Cross References

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 22:14

Busa ginganlan ni Abraham kadtong dapita nga “Ang Ginoo mag-andam”, ingon nga kini gisulti hangtod karon, “Sa bungtod sa Ginoo kini ihatag.”

Genesis 28:3

Ug ang Dios nga Labing Gamhanan sa tanan magpanalangin kanimo ug maghimo kanimo nga mabungahon ug magpadaghan kanimo aron ikaw mahimo nga usa ka panon sa mga katawhan.

Genesis 35:11

Ug ang Dios miingon kaniya, “Ako mao ang Dios nga Labing Gamhanan, pagmabungahon ka ug sanay, usa ka nasod ug pundok sa mga nasod maggikan kanimo ug ang mga hari maggikan kanimo.

Genesis 48:3

Ug si Jacob miingon kang Jose, “Ang Dios nga Labing Gamhanan mipakita kanako didto sa Luz sa yuta sa Canaan ug gipanalanginan niya ako.

Salmo 68:4

Pag-awit kamo sa Dios, pag-awit kamo ug mga pagdayeg sa iyang ngalan; pasidunggi ninyo siya nga moagi ibabaw sa mga panganod; Yahweh ang iyang ngalan, pagmaya kamo sa atubangan niya!

Salmo 83:18

Pailha sila nga ikaw lamang, nga ang ngalan si Yahweh, mao ang Labing Halangdon ibabaw sa tibuok nga yuta.

Exodo 15:3

Ang Ginoo manggugubat; Yahweh ang iyang ngalan.

Exodo 23:21

Pamati kamo kaniya ug tumana ang iyang tingog. Ayaw kamo pagsupak kaniya kay siya dili mopasaylo sa inyong mga kalapasan, kay ang akong ngalan anaa kaniya.

Exodo 3:14

Ug ang Dios miingon kang Moises, “AKO MAO AKO.” Ug siya miingon, “Isulti kini sa katawhan sa Israel, ‘Siya nga miingon nga “AKO MAO” mao ang nagsugo kanako nganhi kaninyo.’ ”

Isaias 42:8

Ako si Yahweh, mao kana ang akong ngalan; ang akong himaya dili nako ihatag sa uban o ang akong pagdayeg ngadto sa mga kinulit nga mga larawan.

Isaias 44:6

Mao kini ang giingon sa Ginoo, ang Hari sa Israel, ug ang iyang Manunubos, ang Ginoo sa mga panon; “Ako mao ang sinugdan, ug ako mao ang kataposan, ug gawas kanako wala nay Dios.

Jeremias 16:21

“Busa, sila himoon gayod nako nga masayod, niining makausa lamang himoon nako nga mahibalo sila sa akong gahom ug sa akong kusog, ug sila mahibalo nga ang akong ngalan mao si Yahweh.”

Jeremias 33:2

“Mao kini ang giingon sa Ginoo, nga nagbuhat sa kalibotan, ang Ginoo nga nag-umol niini aron sa pagtukod niini, Yahweh ang iyang ngalan:

Ezequiel 20:5

ug ingna sila, Mao kini ang giingon sa Ginoong Dios: Sa adlaw sa akong pagpili sa Israel, ako nanumpa sa kaliwat sa balay ni Jacob, nagpaila sa akong kaugalingon ngadto kanila didto sa yuta sa Ehipto. Ako nanumpa kanila, nga nag-ingon: Ako mao ang Ginoo nga inyong Dios.

Ezequiel 37:13

Ug kamo makaila nga ako mao ang Ginoo, sa diha nga ablihan na nako ang inyong mga lubnganan ug pabangonon kamo gikan sa inyong mga lubnganan, O akong katawhan.

Ezequiel 37:6

Ug ipahimutang nako ang mga kaugatan diha kaninyo ug kamo patuboan nako sa mga unod ug tabonan kamo sa panit ug butangan kamo sa gininhawa, ug kamo mangabuhi; ug kamo makaila nga ako mao ang Ginoo.”

Juan 8:58

Si Jesus miingon kanila, “Sa pagkatinuod gayod, mag-ingon ako kaninyo, nga sa wala pa si Abraham, mao na ako.”

Gipadayag 1:4

Si Juan nganha sa pito ka iglesia nga anaa sa Asia: Ang grasya maanaa kaninyo ug ang kalinaw gikan kaniya nga mao karon ug mao kaniadto ug mao ang umaabot, ug gikan sa pito ka espiritu nga anaa sa atubangan sa iyang trono

Ruth 1:20

Ug siya miingon kanila, “Ayaw ako tawga ug Naomi, tawga ako ug Mara, kay ang Labing Gamhanan nagpaantos kanako sa hilabihan.