Exodo 6:23

Ang Biblia 2011

Si Aaron nangasawa kang Eliseba, anak nga babaye ni Aminadab ug igsoon ni Nason. Ug gianak ni Eliseba kaniya si Nadab, si Abihu, si Eleasar ug si Itamar.

Cross References

1 Cronicas 2:10

Si Ram mao ang amahan ni Aminadab ug si Aminadab mao ang amahan ni Nahason nga pangulo sa mga kaliwat ni Juda.

1 Cronicas 6:3

Ang anak ni Amram: si Aaron, si Moises ug si Miriam. Ang mga anak nga lalaki ni Aaron: si Nadab, si Abihu, si Eleasar ug si Itamar.

Exodo 24:1

Unya siya miingon kang Moises, “Tungas kamo ngari sa Ginoo, ikaw ug si Aaron, si Nadab ug si Abihu ug ang 70 ka kadagkoan sa Israel ug pagsimba kamo diha sa layo.

Exodo 24:9

Unya mitungas si Moises ug si Aaron, si Nadab ug si Abihu ug ang 70 ka kadagkoan sa Israel.

Exodo 28:1

“Unya paduola kanimo si Aaron nga imong igsoon ug ang iyang mga anak nga lalaki uban kaniya gikan sa katawhan sa Israel aron sa pag-alagad kanako ingon nga mga pari, si Aaron ug ang iyang mga anak nga lalaki nga si Nadab ug si Abihu, si Eleasar ug si Itamar.

Levitico 10:12

Ug si Moises miingon kang Aaron ug kang Eleasar ug kang Itamar nga mga anak niya nga nahibilin, “Pagkuha kamo ug halad nga pagkaon nga nahibilin sa mga halad sa Ginoo pinaagi sa kalayo ug kaona ninyo kini nga walay patubo duol sa halaran kay kini butang nga labing balaan.

Levitico 10:6

Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Numeros 1:7

Sa kang Juda, si Nason nga anak ni Aminadab;

Numeros 2:3

Ang magkampo dapit sa silangan sa adlaw mao ang bandila sa kampo ni Juda sumala sa ilang mga panon, ug ang pangulo sa mga kaliwat ni Juda mao si Nason nga anak ni Aminadab,

Numeros 20:25

Dad-a si Aaron ug si Eleasar nga iyang anak ug patungasa sila sa Bukid sa Hor.

Numeros 20:28

Ug gihuboan ni Moises si Aaron sa iyang mga bisti ug gisul-ob kini kang Eleasar nga iyang anak ug si Aaron namatay didto sa ibabaw sa bukid. Unya si Moises ug si Eleazar nanglugsong gikan sa bukid.

Mateo 1:4

ug si Aram ang amahan ni Aminadab, ug si Aminadab ang amahan ni Naason, ug si Naason ang amahan ni Salmon,

Lucas 1:5

Sa panahon ni Herodes nga hari sa Judea, may usa ka pari nga ginganlan ug Zacarias, sa laray ni Abias. Ug ang iyang asawa kaliwat ni Aaron ug ang iyang ngalan mao si Elisabet.

Josue 24:33

Ug si Eleasar nga anak ni Aaron namatay ug ilang gilubong siya didto sa bungtod sa Gibea, ang lungsod ni Pinehas nga iyang anak nga gihatag kaniya didto sa kabungtoran sa Efraim.