Exodo 5:9

Ang Biblia 2011

Pahamtangi ug bug-at pa nga buhat ang mga lalaki aron sila magkalisod niini ug dili magtagad sa mga pulong nga bakak.”

Cross References

2 Mga Hari 18:20

Nagtuo ba ikaw nga mga pulong lamang ang paagi ug gahom alang sa gubat? Kang kinsa man ikaw nagsalig nga mialsa man ikaw batok kanako?

Job 16:3

Aduna bay kataposan ang mga pulong nga walay hinungdan? O unsay nakapahagit kanimo nga ikaw mitubag?

Exodo 5:10

Busa ang mga tigdumala sa buhat sa katawhan ug ang ilang mga kapatas miadto ug miingon sa katawhan, “Mao kini ang giingon sa Paraon, ‘Ako dili manghatag kaninyo ug dagami.

Exodo 5:8

Apan ang gidaghanon sa mga tisa nga ilang gibuhat kaniadto maoy inyong ipahamtang kanila ug ayaw ninyo kini paubsi bisan diyotay kay sila tapolan, ug tungod niana sila nagsinggit, ‘Tugoti kami sa paglakaw aron maghalad sa among Dios.’

Jeremias 43:2

si Asarias nga anak ni Hosaias ug si Johanan nga anak ni Karea, ug ang tanan nga mga mapahitas-ong tawo, miingon kang Jeremias, “Bakak ang imong gisulti. Ang Ginoo nga among Dios wala magpadala kanimo sa pag-ingon, ‘Ayaw kamo pag-adto sa Ehipto aron sa pagpuyo didto.’

Zacarias 1:6

Apan ang akong mga pulong ug ang akong mga lagda nga akong gisugo sa akong mga alagad nga mga propeta, wala ba kini makaabot sa inyong katigulangan? Busa sila naghinulsol ug miingon, ‘Ingon nga ang Ginoo sa mga panon naghunahuna sa pagbuhat nganhi kanato sumala sa atong mga batasan ug sumala sa atong mga binuhatan, mao kini ang gibuhat niya kanato.’ ”

Malaquias 3:14

Kamo miingon, ‘Walay kapuslanan ang pag-alagad sa Dios. Unsay kaayohan sa atong pagtuman sa iyang pahimangno o sa paglakaw diha sa pagsubo sa atubangan sa Ginoo sa mga panon?

Mga Taga-Efeso 5:6

Ayaw kamo pailad ni bisan kinsa pinaagi sa mga sulti nga walay kapuslanan, kay tungod niining mga butanga ang kapungot sa Dios moabot diha sa mga tawong masupilon.