Exodo 5:22

Ang Biblia 2011

Unya si Moises mibalik ngadto sa Ginoo ug miingon, “O Ginoo, ngano man nga imong gilisodlisod kining katawhan? Nganong imo man ako nga gipadala?

Cross References

1 Mga Hari 19:10

Siya miingon, “Ako nangabubho pag-ayo alang sa Ginoo, ang Dios sa mga panon, kay ang katawhan sa Israel misalikway sa imong kasabotan, migun-ob sa imong mga halaran ug mipatay ang imong mga propeta pinaagi sa espada, ug ako, ako na lamang ang nahibilin ug gipangita nila ang akong kinabuhi aron sa pagkuha niini.”

1 Mga Hari 19:4

Apan siya gayod mipanaw ug balig usa ka adlaw ngadto sa kamingawan, ug miadto ug milingkod sa ilalom sa usa ka kahoy nga enebro, ug siya nangayo nga siya mamatay unta ug miingon, “Igo na; karon, O Ginoo, kuhaa ang akong kinabuhi, kay ako dili man maayo kay sa akong katigulangan.”

Salmo 73:25

Kinsa may akoa nga anaa sa langit gawas kanimo? Ug walay bisan unsa dinhi sa ibabaw sa yuta nga akong gitinguha gawas kanimo.

Exodo 17:4

Unya si Moises mituaw ngadto sa Ginoo, “Unsa bay akong buhaton niining katawhan? Hapit na nila ako batoon.”

Jeremias 12:1

Matarong ikaw, O Ginoo, sa dihang nagmulo ako nganha kanimo; apan mangamuyo ako kanimo mahitungod sa akong kahimtang. Ngano nga mouswag man ang dalan sa daotan? Ngano nga molambo man ang tanan nga mabudhion?

Jeremias 20:7

O Ginoo, gilimbongan nimo ako ug ako nalimbongan; ikaw kusgan kay kanako, ug ikaw mipatigbabaw. Nahimo ako nga kataw-anan sa tibuok nga adlaw; ang tanan nagbiaybiay kanako.

Jeremias 4:10

Unya ako miingon, “Ah, Ginoong Dios, sa pagkatinuod gilimbongan gayod nimo kining katawhan ug ang Jerusalem, nga nag-ingon, ‘Kini magmaayo alang kaninyo,’ apan diay ang espada milagbas ngadto sa ila gayong kinabuhi.”

Habacuc 2:3

Kay sa gihapon ang panan-awon nagpaabot sa panahon niini; kini nagdali paingon sa kataposan, dili kini mamakak. Kon daw dugay kini, paabota kini; moabot gayod kini, dili kini maglangay.

Numeros 11:11

Busa si Moises miingon sa Ginoo, “Ngano man nga nagbuhat ikaw ug daotan sa imong ulipon? Ug ngano nga wala man ako makakaplag ug kahimuot sa imong panan-aw, nga gibutang man nimo ang palas-anon niining tibuok katawhan nganhi kanako?

Josue 7:7

Si Josue miingon, “O Ginoong Dios, nganong gidala pa man nimo kining katawhan dinhi sa tabok sa Jordan aron itugyan kami ngadto sa kamot sa mga Amorihanon, aron laglagon kami? Nakontento na unta kami sa pagpuyo sa pikas daplin sa Jordan!

1 Samuel 30:6

Si David nasubo sa hilabihan, kay ang katawhan naghisgot sa pagbato kaniya, tungod kay ang kalag sa tibuok katawhan naguol pag-ayo, ang matag usa alang sa iyang mga anak nga lalaki ug sa iyang mga anak nga babaye. Apan si David naglig-on sa iyang kaugalingon diha sa Ginoo nga iyang Dios.