Exodo 5:2

Ang Biblia 2011

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Cross References

2 Mga Hari 18:35

Kinsa ba sa mga dios sa tanan nga kayutaan nga nakaluwas sa ilang yuta gikan sa akong kamot, nga ang Ginoo magluwas sa Jerusalem gikan sa akong kamot?’ ”

2 Cronicas 32:14

Kinsa ba sa tanang mga dios niadtong mga nasod nga gihurot paglaglag sa akong mga katigulangan ang nakaluwas sa iyang katawhan gikan sa akong kamot, nga ang inyong Dios makahimo sa pagluwas kaninyo gikan sa akong kamot?

2 Cronicas 32:15

Busa karon ayaw pagtugot nga si Hesekias maglimbong kaninyo o magpahisalaag kaninyo sa ingon niining paagiha ug ayaw kamo pagtuo kaniya, kay walay dios sa bisan unsang nasod ug gingharian nga nahimo sa pagluwas sa iyang katawhan gikan sa akong kamot o gikan sa kamot sa akong mga katigulangan. Labaw pang dili makaluwas kaninyo ang inyong Dios gikan sa akong kamot!’ ”

2 Cronicas 32:19

Sila misulti mahitungod sa Dios sa Jerusalem, ingon nga misulti sila mahitungod sa mga dios sa katawhan sa yuta, nga binuhat sa mga kamot sa mga tawo.

Nehemias 9:10

Ug ikaw naghimo ug mga ilhanan ug mga katingalahan batok sa Paraon ug sa tanan niyang mga alagad ug sa tanang katawhan sa iyang yuta. Kay ikaw nahibalo nga sila nagbugalbugal batok sa among mga katiuglangan ug ikaw naghimo ug ngalan alang kanimo nga mao gihapon hangtod niining adlawa.

Job 15:25

Tungod kay iyang gituy-od ang iyang kamot batok sa Dios, ug naghagit ug pagsupil batok sa Labing Gamhanan,

Job 15:26

pinatikig ang liog nga nagdagan sa pag-asdang batok kaniya uban sa baga nga taming;

Job 21:15

Unsa ba ang Labing Gamhanan, nga nag-alagad man kami kaniya? Ug unsa may makuha namo kon kami mag-ampo kaniya?’

Salmo 10:4

Tungod sa garbo sa iyang pagbati ang daotan wala mangita kaniya; ang tanan niyang panghunahuna, “Walay Dios.”

Salmo 12:4

kadtong nag-ingon, “Pinaagi sa among dila mopatigbabaw kami, ang among mga ngabil ania kanamo; kinsa ba ang among agalon?”

Salmo 12:5

“Tungod kay ang mga kabos gilupigan, tungod kay ang mga nanginahanglan nag-agulo, karon motindog ako,” nag-ingon ang Ginoo, “Ibutang nako siya diha sa kasigurohan nga iyang gipangandoy.”

Salmo 14:1

Ang buangbuang nag-ingon diha sa iyang kasingkasing, “Walay Dios.” Dunot sila, nagbuhat ug mga buhat nga dulumtanan, walay si bisan kinsa nga nagbuhat ug maayo.

Exodo 3:19

Nahibalo ako nga ang hari sa Ehipto dili motugot kaninyo sa paglakaw, gawas kon pinaagi sa usa ka gamhanang kamot.

Exodo 7:17

Mao kini ang giingon sa Ginoo: Pinaagi niini makaila ikaw nga ako mao ang Ginoo, tan-awa, akong hampakon sa sungkod nga ania sa akong kamot ang tubig nga anaa sa suba sa Nilo ug kini mahimong dugo.

Mga Panultihon 30:9

kay tingali unya ug ako mabusog, ug maglimod kanimo, ug mag-ingon, “Kinsa ba ang Ginoo?” o tingali unya ug mahimo akong kabos ug mangawat, ug magpasipala sa ngalan sa akong Dios.

Jeremias 42:13

Apan kon moingon kamo, ‘Dili kami magpabilin niining yutaa,’ nagsupak sa tingog sa inyong Dios,

Jeremias 48:26

“Hubga ninyo siya kay siya nagpakadako sa iyang kaugalingon batok sa Ginoo aron nga ang Moab maglunang sa iyang sinuka ug siya usab mahimong yubitonon.

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Juan 16:3

Ug kini ilang buhaton tungod kay wala man sila makaila sa Amahan o kanako.

Roma 1:28

Ug kay wala man nila hunahunaa nga kinahanglan ang pagbaton ug kahibalo sa Dios, ang Dios mitugyan kanila ngadto sa salawayong panghunahuna, sa pagbuhat sa mga butang nga dili angay.

2 Mga Taga-Tesalonica 1:8

Siya magpahamtang ug panimalos batok kanila nga wala moila sa Dios ug kanila nga wala magtuman sa Maayong Balita sa atong Ginoong Jesus.

Mga Maghuhukom 2:10

Ang tanan niadtong maong kaliwatan gitipon usab ngadto sa ilang mga katigulangan. Ug dihay mitungha nga laing kaliwatan sunod kanila nga wala makaila sa Ginoo o sa buhat nga iyang gihimo alang sa Israel.

1 Samuel 2:12

Ang mga anak nga lalaki ni Eli mga tawong walay kapuslanan, sila walay pagtahod sa Ginoo.

1 Samuel 25:10

Ug si Nabal mitubag sa mga sulugoon ni David, “Kinsa ba si David? Ug kinsa ba ang anak ni Jesse? Adunay daghang mga sulugoon karong mga adlawa nga mobulag gikan sa ilang mga agalon.