Exodo 5:19

Ang Biblia 2011

Nakita sa mga kapatas sa katawhan sa Israel nga sila anaa sa daotang kahimtang, sa dihang miingon sila, “Ayaw gayod ninyo paubsi bisan diyotay ang gidaghanon sa tisa nga inyong buhaton matag adlaw.”

Cross References

Exodo 5:18

Busa lakaw kamo sa inyong buhat kay walay dagami nga ihatag kaninyo apan kinahanglang maghimo kamo sa gikinahanglang gidaghanon sa mga tisa.”

Exodo 5:20

Ilang nasugatan si Moises ug si Aaron nga nagtindog sa dalan sa ilang pagpauli gikan sa Paraon.

Exodo 5:8

Apan ang gidaghanon sa mga tisa nga ilang gibuhat kaniadto maoy inyong ipahamtang kanila ug ayaw ninyo kini paubsi bisan diyotay kay sila tapolan, ug tungod niana sila nagsinggit, ‘Tugoti kami sa paglakaw aron maghalad sa among Dios.’

Ecclesiastes 4:1

Nakita nako pag-usab ang tanan nga mga pagdaogdaog nga gihimo ilalom sa adlaw. Ug tan-awa, ang mga luha niadtong mga dinaogdaog, ug walay bisan usa nga naghupay kanila! Didto sa dapit sa mga nagdaogdaog kanila adunay gahom, ug walay bisan usa nga naghupay kanila.

Ecclesiastes 5:8

Kon makita nimo diha sa usa ka lalawigan nga ang mga kabos gidaogdaog ug gihikawan sa hustisya ug katungod, ayaw kahibulong sa maong butang, kay ang labaw gisud-ong niadtong labaw pa ug adunay labaw pa kay kanila.

Deuteronomio 32:36

Kay ang Ginoo maghatag ug hustisya sa iyang katawhan ug maluoy sa iyang mga sulugoon, sa dihang makita niya nga ang ilang kusog nawala ug walay nahibilin, ulipon o gawasnon.