Exodo 40:20

Ang Biblia 2011

Unya gikuha niya ang pagpamatuod ug gibutang niya kini ngadto sa sulod sa sudlanan ug gibutang niya ang mga yayongan sa sudlanan. Ug gibutang niya ang tabon sa ibabaw sa sudlanan.

Cross References

1 Mga Hari 8:9

Walay sulod ang sudlanan sa kasabotan gawas sa duha ka papan nga bato nga gibutang didto ni Moises sa Horeb, sa diha nga gihimo sa Ginoo ang kasabotan uban sa katawhan sa Israel, sa paggawas nila gikan sa yuta sa Ehipto.

1 Cronicas 15:3

Ug gitigom ni David ang tibuok Israel didto sa Jerusalem aron sa pagdala sa sudlanan sa kasabotan sa Ginoo ngadto sa dapit niini, nga iyang giandam alang niini.

2 Cronicas 5:10

Walay bisan unsa diha sa sulod sa sudlanan gawas sa duha ka papan nga bato nga gibutang ni Moises didto sa Horeb, sa diha nga ang Ginoo naghimo ug usa ka kasabotan uban sa katawhan sa Israel, sa diha nga migula sila gikan sa Ehipto.

Salmo 40:8

ako nalipay sa pagbuhat sa imong kabubut-on, O akong Dios; ang imong balaod ania sulod sa akong kasingkasing.”

Exodo 16:34

Sumala sa gisugo sa Ginoo kang Moises, gibutang kini ni Aaron sa atubangan sa pagpamatuod aron tipigan.

Exodo 26:34

Ibutang nimo ang tabon ibabaw sa sudlanan sa pagpamatuod didto sa dapit nga labing balaan.

Exodo 31:18

Sa diha nga nakahuman na siya sa pagpakigsulti kaniya didto sa Bukid sa Sinai, gihatag niya kang Moises ang duha ka papan sa pagpamatuod, mga papan nga bato nga gisulatan sa tudlo sa Dios.

Exodo 40:19

Ug gibukhad niya ang sapaw nga tolda sa ibabaw sa Tolda, ug gibutang niya ang tabon sa tolda sa ibabaw niini sumala sa gisugo sa Ginoo kang Moises.

Exodo 40:3

Ug ibutang niini ang sudlanan sa pagpamatuod ug salipdi ang sudlanan pinaagi sa tabil.

Mateo 3:15

Apan si Jesus mitubag kaniya, “Itugot kini karon kay angay kanato ang pagtuman sa tibuok nga pagkamatarong.” Ug siya mitugot kaniya.

Roma 10:4

Kay si Cristo mao ang kataposan sa Balaod alang sa pagkamatarong sa tanan nga may pagtuo.

Roma 3:25

nga gitanyag sa Dios ingon nga halad aron mapasaylo ang sala pinaagi sa iyang dugo, halad nga dawaton pinaagi sa pagtuo. Kini maoy pagpakita sa pagkamatarong sa Dios, kay tungod sa pagkamainantoson sa Dios gisayloan niya ang kasal-anan nga nahimo kaniadto;

Deuteronomio 10:5

Unya mibalik ako ug milugsong gikan sa bukid ug gibutang nako ang mga papan didto sa sudlanan nga akong gibuhat ug didto kini sumala sa gisugo sa Ginoo kanako.

Mga Hebreo 4:16

Sa ingon niana, uban sa pagsalig manuol kita ngadto sa trono sa grasya, aron makadawat ug kaluoy ug makakaplag ug grasya nga makatabang kanato sa panahon sa pagpanginahanglan.

Mga Hebreo 9:4

diin didto gibutang ang bulawan nga halaran sa insenso ug ang sudlanan sa kasabotan, nga gisapawan ug bulawan sa tanang bahin niini diin gibutang ang tibod nga bulawan nga gisudlan sa mana ug ang sungkod ni Aaron nga nanalingsing ug ang mga papan nga gisulatan sa kasabotan.

1 Juan 2:2

Ug siya mao ang halad sa pasig-uli alang sa atong mga sala ug dili lamang sa atong mga sala kondili sa mga sala usab sa tibuok kalibotan.