Exodo 4:23

Ang Biblia 2011

ug ako mag-ingon kanimo, “Tugoti nga molakaw ang akong anak, aron siya makaalagad kanako.” Apan kon ikaw magdumili sa pagpalakaw kaniya, patyon nako ang imong kamagulangan nga anak nga lalaki.’ ”

Cross References

Salmo 105:36

Gipamatay niya ang tanang panganay diha sa ilang yuta, ang sinugdan sa tibuok nilang kusog.

Salmo 135:8

Siya ang milaglag sa mga panganay sa Ehipto, sa tawo ug sa mananap;

Salmo 136:10

kaniya nga naglaglag sa mga panganay sa Ehipto, kay ang iyang gugmang walay paglubad naglungtad hangtod sa kahangtoran;

Salmo 78:51

Gipamatay niya ang tanang mga panganay didto sa Ehipto, ang mga unang bunga sa ilang kusog didto sa mga tolda ni Ham.

Exodo 10:3

Busa si Moises ug si Aaron miadto sa Paraon ug miingon kaniya, “Mao kini ang giingon sa Ginoo, ang Dios sa mga Hebreo, ‘Unsa ba kadugay nga magdumili ikaw sa pagpaubos sa imong kaugalingon sa akong atubangan? Tugoti sa paglakaw ang akong katawhan aron sila makaalagad kanako.

Exodo 10:4

Kay kon magdumili ikaw sa pagpalakaw sa akong katawhan, magpadala ako ugma ug mga dulon sa imong nasod,

Exodo 11:5

Ug ang tanang kamagulangan sa yuta sa Ehipto mangamatay, gikan sa kamagulangan sa Paraon nga naglingkod sa iyang trono hangtod sa kamagulangan sa ulipon nga babaye nga anaa sa galingan ug ang tanang kamagulangan sa kahayopan.

Exodo 12:29

Sa pagkatungang gabii gipamatay sa Ginoo ang tanang kamagulangan sa yuta sa Ehipto, gikan sa kamagulangan sa Paraon nga naglingkod sa iyang trono hangtod sa kamagulangan sa bihag nga anaa sa bilanggoan ug sa tanang kamagulangan sa kahayopan.

Exodo 13:15

Kay sa dihang hugot nga nagdumili ang Paraon sa pagpalakaw kanamo, gipatay sa Ginoo ang tanang kamagulangan sa yuta sa Ehipto, ang mga kamagulangan sa tawo ug ang mga kamagulangan sa kahayopan. Busa ako naghalad alang sa Ginoo sa tanang kamagulangan nga laki apan ang tanang kamagulangan sa akong mga anak akong gilukat.’

Exodo 18:8

Unya gisugilon ni Moises sa iyang ugangan ang tanan nga gibuhat sa Ginoo ngadto sa Paraon ug sa mga Ehiptohanon tungod sa Israel, ug ang tanang kalisdanan nga miabot kanila sa dalan ug giunsa sa Ginoo pagluwas kanila.

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Exodo 6:11

“Lakaw, sultihi ang Paraon nga hari sa Ehipto nga pagulaon niya ang katawhan sa Israel gikan sa iyang yuta.”

Exodo 7:16

Ug ingna siya, ‘Ang Ginoo, ang Dios sa mga Hebreo, nagsugo kanako nganhi kanimo, nga nag-ingon, “Tugoti sa paglakaw ang akong katawhan aron sila makaalagad kanako didto sa kamingawan ug tan-awa, wala pa gihapon ikaw motuman.”

Exodo 8:1

Unya ang Ginoo miingon kang Moises, “Adtoa ang Paraon ug ingna siya, ‘Mao kini ang giingon sa Ginoo: Tugoti sa paglakaw ang akong katawhan aron sila makaalagad kanako.

Exodo 8:16

Unya ang Ginoo miingon kang Moises, “Ingna si Aaron, ‘Ituy-od ang imong sungkod ug hampaka ang abog sa yuta aron mahimong mga tagnok sa tibuok yuta sa Ehipto.’ ”

Exodo 8:17

Ug kini gibuhat nila; gituy-od ni Aaron ang iyang kamot uban ang iyang sungkod ug gihampak ang abog sa yuta ug mitungha ang mga tagnok diha sa mga tawo ug sa mga mananap. Ang tanang abog sa yuta nahimong mga tagnok sa tibuok yuta sa Ehipto.

Exodo 8:20

Unya ang Ginoo miingon kang Moises, “Sayo pagbangon sa pagkabuntag, ug paabota ang Paraon kay siya moadto sa tubig ug ingna siya, ‘Mao kini ang giingon sa Ginoo: Tugoti sa paglakaw ang akong katawhan aron sila makaalagad kanako.

Exodo 9:1

Unya ang Ginoo miingon kang Moises, “Adtoa ang Paraon ug ingna siya, ‘Mao kini ang giingon sa Ginoo, ang Dios sa mga Hebreo: Tugoti sa paglakaw ang akong katawhan aron sila makaalagad kanako.

Exodo 9:13

Unya ang Ginoo miingon kang Moises, “Sayo pagbangon sa pagkabuntag ug atubanga ang Paraon ug ingna siya, ‘Mao kini ang giingon sa Ginoo, ang Dios sa mga Hebreo: Tugoti sa paglakaw ang akong katawhan aron sila makaalagad kanako.

Exodo 9:2

Kay kon ikaw magdumili sa pagpalakaw kanila ug magpugong gihapon kanila,

Oseas 11:1

Sa diha nga bata pa ang Israel, gihigugma nako siya, ug gikan sa Ehipto gitawag nako ang akong anak.