Exodo 4:15

Ang Biblia 2011

Ug ikaw mosulti kaniya ug magbutang sa mga pulong sa iyang baba ug ako mag-uban sa imong baba ug sa iya usab ug ako magtudlo kaninyo sa inyong buhaton.

Cross References

2 Samuel 14:3

Unya lakaw ngadto sa hari ug sultihi niining paagiha.” Gitudloan siya ni Joab kon unsay isulti.

Salmo 25:12

Kinsa ba ang tawo nga may kahadlok sa Ginoo? Kaniya itudlo niya ang dalan nga iyang pilion.

Salmo 51:15

O Ginoo, abliha ang akong mga ngabil, ug ang akong baba magpadayag sa pagdayeg kanimo.

Exodo 3:12

Siya miingon, “Ako mag-uban kanimo ug kini mao ang ilhanan alang kanimo nga ikaw akong gisugo: sa dihang makuha na nimo ang katawhan gikan sa Ehipto, mag-alagad kamo sa Dios dinhi niining bukira.”

Exodo 4:12

Busa lakaw, kay ako mag-uban sa imong baba ug magtudlo kanimo kon unsa ang imong isulti.”

Exodo 4:28

Si Moises misugilon kang Aaron sa tanang pulong sa Ginoo nga tungod niini gisugo siya, ug sa tanang ilhanan nga gitugyan kaniya sa pagbuhat.

Exodo 4:30

Ug gisugilon ni Aaron ang tanang pulong nga gisulti sa Ginoo kang Moises ug siya mibuhat ug mga ilhanan diha sa panan-aw sa katawhan.

Isaias 51:16

Ug gibutang nako ang akong mga pulong diha sa imong baba, ug nagtago kanimo diha sa landong sa akong kamot, nagpahimutang sa kalangitan, ug magpahiluna sa mga patukoranan sa yuta, ug nag-ingon sa Zion, ‘Ikaw mao ang akong katawhan.’ ”

Isaias 59:21

“Ug alang kanako, kini mao ang akong kasabotan uban kanila, nag-ingon ang Ginoo: ang akong Espiritu nga anaa sa ibabaw nimo, ug ang akong mga pulong nga akong gibutang sa imong baba, dili mobulag gikan sa imong baba, o gikan sa baba sa imong mga anak, o gikan sa baba sa mga anak sa imong mga anak, nag-ingon ang Ginoo, sukad karon ug hangtod sa kahangtoran.”

Jeremias 1:9

Unya ang Ginoo mituy-od sa iyang kamot ug mihikap sa akong baba, ug ang Ginoo miingon kanako, “Ania, ako nagbutang sa akong mga pulong diha sa imong baba.

Jeremias 36:32

Unya mikuha si Jeremias ug laing linukot nga sulatanan, ug gihatag kini kang Baruk nga sekretaryo nga anak ni Nerias, nga maoy nagsulat niini ubos sa pagmando ni Jeremias sa tanang mga pulong sa linukot nga basahon nga gisunog ni Jehoiakim nga hari sa Juda, ug daghan nga samang mga pulong ang gidugang niini.

Numeros 16:28

Ug si Moises miingon, “Pinaagi niini maila ninyo nga ang Ginoo nagsugo kanako aron sa pagbuhat niining mga buluhaton, kay wala nako kini buhata gikan sa akong kaugalingong hunahuna.

Numeros 22:38

Si Balaam miingon kang Balak, “Ania ako karon mianhi kanimo! Aduna ba akoy gahom karon sa pagsulti ug bisan unsa? Ang pulong nga ibutang sa Dios sa akong baba, kana maoy akong isulti.”

Numeros 23:12

Ug siya mitubag, “Kinahanglan ba nga dili ako magtagad sa pagsulti sa unsay gibutang sa Ginoo sa akong baba?”

Numeros 23:16

Ug ang Ginoo nakigtagbo kang Balaam ug nagbutang ug pulong diha sa baba niya ug miingon, “Balik ngadto kang Balak, ug mao kini ang imong isulti.”

Numeros 23:5

Ug ang Ginoo nagbutang ug pulong diha sa baba ni Balaam ug miingon, “Balik ngadto kang Balak ug mao kini ang imong isulti.”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Lucas 21:15

kay ako maghatag ra unya kaninyo ug baba ug kaalam nga walay kaaway ninyo nga makasukol o makasupak.

1 Mga Taga-Corinto 11:23

Kay nadawat nako gikan sa Ginoo ang gihatag usab nako kaninyo, nga ang Ginoong Jesus, sa gabii nga gibudhian siya, mikuha ug pan,

1 Mga Taga-Corinto 15:1

Mga igsoon, pahinumdoman ko kamo sa Maayong Balita nga akong giwali kaninyo, nga inyong gidawat ug nga niini kamo nagbarog.

Deuteronomio 18:18

Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.

Deuteronomio 5:31

Apan ikaw, tindog tupad kanako ug sultihan ko ikaw sa tanan nga mga sugo ug mga lagda ug mga tulumanon nga itudlo nimo kanila, aron buhaton nila didto sa yuta nga gihatag nako kanila aron mapanag-iya.’

1 Samuel 16:3

Ug dapita si Jesse ngadto sa paghalad ug ipakita nako kanimo kon unsay imong buhaton ug ikaw magdihog alang kanako kaniya nga akong nganlan kanimo.”