Exodo 4:1

Ang Biblia 2011

Unya si Moises mitubag, “Apan dili sila motuo kanako ug dili mamati sa akong tingog, kay sila moingon, ‘Ang Ginoo wala magpakita kanimo.’ ”

Cross References

1 Mga Hari 13:3

Ug sa maong adlaw siya mihatag ug usa ka ilhanan nga nag-ingon, “Mao kini ang ilhanan nga gipamulong sa Ginoo, ‘Tan-awa, ang halaran bungkagon ug ang mga abo nga anaa niini mayabo.’ ”

Exodo 2:14

Ug siya mitubag, “Kinsa ba ang naghimo kanimo nga pangulo ug maghuhukom kanamo? Naghunahuna ba ikaw sa pagpatay kanako sama sa pagpatay nimo sa Ehiptohanon?” Unya si Moises nahadlok ug miingon sa iyang kaugalingon, “Ang mga tawo nahibalo diay sa nahitabo.”

Exodo 3:15

Ang Dios miingon usab kang Moises, “Mao kini ang isulti nimo sa katawhan sa Israel, ‘Si Yahweh,, ang Dios sa inyong mga katigulangan, ang Dios ni Abraham, ang Dios ni Isaac ug ang Dios ni Jacob, nagsugo kanako nganhi kaninyo.’ Kini mao ang akong ngalan hangtod sa kahangtoran ug mao nga mahinumdoman ako sa tanang kaliwatan.

Exodo 3:16

Lakaw ug tigoma ang mga kadagkoan sa Israel ug ingna sila, ‘Si Yahweh, ang Dios sa inyong mga katigulangan, ang Dios ni Abraham, ni Isaac ug ni Jacob, mitungha kanako nga nag-ingon, “Ako nagtan-aw kaninyo ug sa gibuhat kaninyo didto sa Ehipto.

Exodo 3:18

Sila mamati sa imong tingog ug ikaw ug ang mga pangulo sa Israel moadto sa hari sa Ehipto ug moingon kaniya, ‘Si Yahweh, ang Dios sa mga Hebreo, nagpakita kanamo, ug karon naghangyo kami kanimo sa pagtugot kanamo sa paglakaw ug tulo ka adlaw nga panaw ngadto sa kamingawan aron maghalad kami ngadto kang Yahweh nga among Dios.’

Exodo 4:10

Apan si Moises miingon sa Ginoo, “O akong Ginoo, dili ako maayong manulti bisan hangtod karon ug bisan sukad sa imong pagpakigsulti sa imong ulipon; kay ako hinay nga mosulti ug yungit ug dila.”

Exodo 4:30

Ug gisugilon ni Aaron ang tanang pulong nga gisulti sa Ginoo kang Moises ug siya mibuhat ug mga ilhanan diha sa panan-aw sa katawhan.

Exodo 4:31

Ug ang katawhan mituo. Sa pagkadungog nila nga ang Ginoo miduaw sa katawhan sa Israel ug nga nakita niya ang ilang kasakitan, giduko nila ang ilang mga ulo ug misimba sila.

Exodo 6:12

Apan si Moises miingon sa Ginoo, “Ang katawhan sa Israel wala mamati kanako busa unsaon man usab sa Paraon pagpamati kanako nga ako dili man maayong manulti?”

Exodo 6:30

Apan si Moises miingon sa Ginoo, “Tan-awa, ako dili maayong manulti busa unsaon man pagpamati sa Paraon kanako?”

Jeremias 1:6

Unya miingon ako, “Ah, Ginoong Dios! Tan-awa, dili ako mahibalong mosulti, kay usa lamang ako ka batan-on.”

Ezequiel 3:14

Busa gibayaw ako sa Espiritu ug gidala ako sa layo ug ako nahiadto uban ang kapaitan, diha sa kainit sa akong espiritu, ingon nga ang kamot sa Ginoo bug-at sa ibabaw nako.

Mga Buhat 7:25

Siya nagdahom nga ang iyang kaigsoonan nakasabot nga ang Dios naghatag kanila ug kaluwasan pinaagi sa iyang kamot, apan wala sila makasabot.

Mga Maghuhukom 6:17

Ug si Gideon miingon kaniya, “Kon karon ako nakakaplag ug kahimuot sa imong mga mata, pakitai ako ug usa ka ilhanan nga ikaw ang nakigsulti kanako.