Exodo 39:39

Ang Biblia 2011

ang halaran nga bronsi uban ang rehas nga bronsi, ang mga yayongan niini ug ang tanang kasangkapan niini ug ang planggana ug ang tungtonganan niini,

Cross References

1 Mga Hari 8:64

Niadtong adlawa usab gihalad sa hari ang taliwala sa hawanan nga diha sa atubangan sa balay sa Ginoo, kay didto siya naghalad sa halad nga sunogon ug sa halad nga pagkaon ug sa tambok nga halad sa pakigdait tungod kay ang bronsi nga halaran nga diha sa atubangan sa Ginoo gamay ra kaayo aron sa pagdawat sa halad nga sunogon ug sa halad nga pagkaon ug sa tambok nga halad sa pakigdait.

Exodo 27:1

“Kinahanglan nga magbuhat ikaw ug halaran gikan sa kahoy nga akasya nga lima ka maniko ang gitas-on ug lima ka maniko ang gilapdon. Ang halaran kinahanglan nga kwadrado ug ang gihabogon niini tulo ka maniko.

Exodo 27:4

Pagbuhat usab alang niini ug rehas nga bronsi, ug diha sa rehas pagbuhat ug upat ka argulya nga bronsi sa upat ka eskina niini.

Exodo 30:18

“Magbuhat usab ikaw ug usa ka planggana nga bronsi, ug tungtonganan niini nga bronsi, alang sa paghugas. Ibutang kini sa tungatunga sa tolda nga tagboanan ug sa halaran ug butangi kini ug tubig sa sulod niini.

Exodo 38:30

Pinaagi niini gihimo niya ang mga tungtonganan sa pultahan sa tolda nga tagboanan, ang halaran nga bronsi ug rehas nga bronsi niini, ug ang tanan nga mga galamiton sa halaran,

Exodo 39:38

ang halaran nga bulawan, ang lana nga igdidihog ug ang humot nga insenso, ang tabil sa pultahan sa tolda,

Exodo 39:40

ang mga tabil sa hawanan, ang mga haligi ug ang mga tungtonganan niini, ang tabil alang sa ganghaan sa hawanan, ang mga pisi ug ang mga ugsok, ug ang tanan nga mga kasangkapan sa pagpangalagad sa Tolda alang sa tolda nga tagboanan,