Exodo 39:32

Ang Biblia 2011

Sa ingon niana nahuman ang tanang buluhaton sa Tolda, sa tolda nga tagboanan. Ug ang katawhan sa Israel nagbuhat sumala sa gisugo sa Ginoo kang Moises. Busa gibuhat nila kini.

Cross References

1 Mga Hari 6:38

Ug sa ikanapulo ug usa nga tuig, sa bulan sa Bul, nga mao ang ikawalo nga bulan, nahuman ang balay, ang tanang mga bahin niini, ug sumala gayod sa plano. Busa gitukod niya kini sulod sa pito ka tuig.

1 Mga Hari 7:40

Naghimo usab si Hiram ug mga kulon, mga pala ug mga panaksan. Busa nahuman ni Hiram ang tanang buluhaton alang kang Hari Solomon diha sa balay sa Ginoo:

1 Cronicas 28:19

Kining tanan, iyang gipatin-aw pinaagi sa sinulat nga gikan sa kamot sa Ginoo mahitungod niini, ang tanang buluhaton nga buhaton sumala sa plano.

Exodo 12:28

Unya ang katawhan sa Israel milakaw, ug nagbuhat sa ingon. Sumala sa gisugo sa Ginoo kang Moises ug kang Aaron sila nagbuhat.

Exodo 25:40

Ug tan-awa nga buhaton nimo kini sumala sa sumbanan nga gipakita kanimo didto sa bukid.

Exodo 31:7

ang tolda nga tagboanan, ang sudlanan sa pagpamatuod, ang tabon niini ug ang tanan nga mga kasangkapan sa Tolda,

Exodo 39:31

Ug gihigtan nila kini ug pisi nga asul aron kini ibutang sa ibabaw sa purong sumala sa gisugo sa Ginoo kang Moises.

Exodo 39:33

Ug gidala nila ang Tolda ngadto kang Moises, ang Tolda ug ang tanang kasangkapan niini, ang mga kaw-it niini, ang mga tabla niini, ang mga yayongan niini, ang mga haligi niini, ug ang mga tungtonganan niini,

Exodo 40:1

Ang Ginoo miingon kang Moises,

Exodo 40:3

Ug ibutang niini ang sudlanan sa pagpamatuod ug salipdi ang sudlanan pinaagi sa tabil.

Exodo 40:32

sa dihang mosulod sila sa tolda nga tagboanan. Ug sa dihang moduol sila sa halaran, manghugas sila sumala sa gisugo sa Ginoo kang Moises.

Numeros 3:31

Ug ang ilang katungdanan mao ang sudlanan sa kasabotan, ang lamisa ug ang lamparahan, ang mga halaran ug ang mga kasangkapan sa balaang dapit nga pinaagi niini sila mag-alagad, ang tabil ug ang tanang buluhaton mahitungod niini.

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Deuteronomio 12:32

“Matngoni gayod sa pagbuhat ang tanan nga gisugo nako kaninyo. Ayaw ninyo kini dugangi o kuhai.

Mga Hebreo 3:2

Siya matinumanon sa nagpili kaniya, sama kang Moises diha sa tibuok nga balay sa Dios.

Mga Hebreo 8:5

Nag-alagad sila sa hulagway ug anino sa langitnong dapit nga balaan kay sa dihang hapit na si Moises magpatindog sa tolda, gitugon siya sa Dios nga nag-ingon, “Tan-awa nga ang tanan himoon nimo sumala sa sumbanan nga gipakita kanimo didto sa bukid.”

1 Samuel 15:22

Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.