Exodo 36:8

Ang Biblia 2011

Ang tanang tawo nga may katakos diha sa mga nagbuhat naghimo sa Tolda pinaagi sa napulo ka tabil, sa lino nga pinong pagkalubid, sa asul ug tapol ug lutong pula nga delana nga adunay mga kerubin nga maayong pagkabuhat.

Cross References

1 Mga Hari 6:23

Ug diha sa kinasulorang lawak, siya naghimo ug duha ka kerubin gikan sa kahoy nga olibo, ang matag usa tagnapulo ka maniko ang gihabogon.

1 Cronicas 15:1

Unya si David naghimo alang kaniya ug mga balay didto sa siyudad ni David ug nag-andam siya ug usa ka dapit alang sa sudlanan sa kasabotan sa Dios, ug nagpabarog ug usa ka tolda alang niini.

2 Cronicas 1:3

Unya si Solomon ug ang tibuok nga katilingban uban kaniya miadto sa habog nga dapit nga didto sa Gibeon kay atua didto ang tolda nga tagboanan sa Dios nga gihimo ni Moises nga alagad sa Ginoo didto sa kamingawan.

2 Cronicas 3:10

Diha sa labing balaan nga dapit naghimo siya ug duha ka kerubin nga kahoy ug gisapawan kini ug bulawan.

Exodo 25:18

Pagbuhat ug duha ka kerubin nga bulawan nga sinalsal diha sa duha ka tumoy sa tabon.

Exodo 25:22

Diha niini ako makigtagbo kanimo, ug makigsulti ako kanimo gikan sa ibabaw sa tabon, gikan sa duha ka kerubin nga anaa sa ibabaw sa sudlanan sa pagpamatuod mahitungod sa tanan nga akong ihatag kanimo nga mao ang kasugoan alang sa katawhan sa Israel.

Exodo 31:6

Akong gipili uban kaniya si Aholiab nga anak ni Ahisamac sa banay ni Dan. Ug gihatagan nako ug katakos ang tanang tawo nga may katakos, aron buhaton nila ang tanan nga gisugo nako kanimo:

Exodo 31:7

ang tolda nga tagboanan, ang sudlanan sa pagpamatuod, ang tabon niini ug ang tanan nga mga kasangkapan sa Tolda,

Exodo 35:10

“Kinahanglan nga moanhi ang tanang tawo nga may katakos diha kaninyo ug buhaton ang tanan nga gisugo sa Ginoo:

Exodo 36:9

Ang gitas-on sa matag tabil 28 ka maniko ug ang gilapdon sa matag tabil upat ka maniko. Ang tanang tabil managsama ug sukod.

Exodo 39:3

Ug nagsalsal sila ug bulawan ug gitabas nila kini sama sa mga hilo aron iapil pagtahi sa asul ug tapol ug lutong pula nga delana ug sa lino nga pinong pagkalubid, kini maayong pagkabuhat.