Exodo 36:5

Ang Biblia 2011

Sila miingon kang Moises, “Ang katawhan nagdala ug daghan pa kay sa inyong gikinahanglan alang sa pagbuhat sa buluhaton nga gisugo sa Ginoo kanato nga atong buhaton.”

Cross References

2 Cronicas 24:14

Sa diha nga natapos na kini nila, ilang gidala ang nahibilin sa salapi ngadto sa hari ug ni Jehoiada, ug pinaagi niini gibuhat ang kagamitan alang sa balay sa Ginoo, alang sa pagpangalagad ug sa halad nga sunogon ug mga kagamitan alang sa insenso ug mga sudlanan nga bulawan ug plata. Ug sila kanunayng naghalad ug mga halad nga sunogon sa balay sa Ginoo sa tanang mga adlaw ni Jehoiada.

Exodo 32:3

Busa ang tanang katawhan nanangtang sa mga ariyos nga bulawan nga diha sa ilang mga dalunggan ug gidala kini ngadto kang Aaron.

Exodo 36:4

Busa ang tanang tawo nga may katakos nga nagbuhat sa tanang matang sa buluhaton sa balaang puluy-anan miadto, ang matag usa gikan sa buluhaton nga iyang gibuhat.

Exodo 36:6

Busa si Moises mihatag ug sugo ug gipahibalo kini sa tibuok nga kampo, “Walay lalaki o babaye nga maghimo pa ug dugang nga paghalad alang sa balaang puluy-anan.” Busa ang katawhan gipugngan sa pagdala ug mga halad.

Mga Taga-Filipos 2:21

Silang tanan nagpangita sa mga butang sa ilang kaugalingon, dili sa mga butang ni Jesu-Cristo.