Exodo 34:9

Ang Biblia 2011

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Cross References

Salmo 135:4

Kay ang Ginoo nagpili kang Jacob alang sa iyang kaugalingon, kang Israel ingon nga iyang kaugalingon katigayonan.

Salmo 25:11

Tungod ug alang sa imong ngalan, O Ginoo, pasayloa ang akong kasal-anan kay kini dako man kaayo.

Salmo 28:9

O luwasa ang imong katawhan ug panalangini ang imong panulundon; magbalantay unta ikaw nila, ug magsapnay nila hangtod sa kahangtoran.

Salmo 33:12

Bulahan ang nasod nga ang Dios mao ang Ginoo, ang katawhan nga gipili niya ingon nga iyang panulundon!

Salmo 78:62

Gitugyan usab niya ang iyang katawhan ngadto sa espada, ug mibubo sa iyang kasuko batok sa iyang panulundon.

Salmo 94:14

Kay ang Ginoo dili mosalikway sa iyang katawhan; dili siya mobiya sa iyang panulundon;

Exodo 19:5

Busa karon, kon magtuman kamo sa akong tingog ug magsubay sa akong kasabotan kaninyo, kamo mahimo nga akong kaugalingong bahandi taliwala sa tanang katawhan kay ang tibuok kalibotan akoa man.

Exodo 32:9

Ang Ginoo miingon kang Moises, “Nakita nako kining katawhan, ug kini usa ka katawhan nga tikig ug liog.

Exodo 33:12

Unya si Moises miingon sa Ginoo, “Tan-awa, ikaw nag-ingon kanako, ‘Dad-a kining katawhan,’ apan ikaw wala magpahibalo kanako kon kinsa ang imong ipadala uban kanako. Apan ikaw miingon, ‘Ako nakaila kanimo pinaagi sa imong ngalan, ug nakakaplag usab ug kahimuot diha sa akong panan-aw.’

Exodo 34:7

nagpadayon sa gugmang walay paglubad ngadto sa mga linibo, nagpasaylo sa pagkadaotan ug sa pagkamalapason ug sa sala, apan dili magpalingkawas sa sad-an, nagsilot sa mga sala sa mga ginikanan diha sa mga anak ug sa mga anak sa mga anak ngadto sa ikatulo ug ikaupat nga kaliwatan.”

Isaias 48:4

Tungod kay ako nasayod nga ikaw gahi ug ulo, ug ang imong liog ingon ka tikig sa puthaw, ug ang imong agtang bronsi.

Jeremias 10:16

Dili sama niini siya nga mao ang bahin ni Jacob, kay siya mao ang naghimo sa tanang mga butang, ug ang Israel mao ang banay sa iyang panulundon; si Yahweh sa mga panon mao ang iyang ngalan.

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Zacarias 2:12

Ug ang Ginoo makapanunod sa Juda ingon nga iyang bahin sa balaang yuta, ug magpili pag-usab sa Jerusalem.”

Numeros 14:19

Pasayloa intawon ang kasal-anan niining katawhan sumala sa pagkadako sa imong gugmang walay paglubad ug sumala sa pagpasaylo nimo niining katawhan, sukad sa Ehipto bisan hangtod karon.”

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Deuteronomio 32:9

Kay ang bahin sa Ginoo mao ang iyang katawhan, si Jacob ang pahat nga iyang panulundon.

Deuteronomio 4:20

Apan ang Ginoo nagkuha kaninyo ug nagpagula kaninyo gikan sa hudno nga puthaw, gikan sa Ehipto, aron mahimo kamo nga iyang kaugalingong katawhan sama niining adlawa.

Deuteronomio 9:18

Ug mihapa ako sa atubangan sa Ginoo sama sa una, 40 ka adlaw ug 40 ka gabii. Wala ako mokaon ug pan o moinom ug tubig tungod sa tanan ninyong sala nga inyong gibuhat, sa inyong pagbuhat ug daotan diha sa panan-aw sa Ginoo aron sa pagpasuko kaniya.

Deuteronomio 9:26

Ug nag-ampo ako ngadto sa Ginoo, ‘O Ginoong Dios, ayaw laglaga ang imong katawhan ug ang imong panulundon nga imong giluwas pinaagi sa imong pagkagamhanan, nga imong gikuha gikan sa Ehipto pinaagi sa gamhanang kamot.

Deuteronomio 9:29

Kay sila imong katawhan ug imong kabilin nga imong gikuha pinaagi sa imong dakong gahom ug sa imong bukton nga tinuy-od.’