Exodo 34:22

Ang Biblia 2011

Tumana ang Kasaulogan sa mga Semana, ang unang mga abot sa trigo, ug ang Kasaulogan sa Pag-ani sa kataposan sa tuig.

Cross References

2 Cronicas 8:13

sumala sa gikinahanglan sa katungdanan matag adlaw, maghalad sumala sa sugo ni Moises alang sa mga adlaw nga igpapahulay, sa mga bag-ong subang sa bulan, ug sa tulo ka tinuig nga kasaulogan, ang Kasaulogan sa Pan nga Walay Patubo, ang Kasaulogan sa mga Semana ug ang Kasaulogan sa mga Balongbalong.

Exodo 23:14

“Makatulo sa usa ka tuig maghimo kamo ug kasaulogan alang kanako.

Exodo 23:16

Kinahanglan nga himoon ninyo ang Kasaulogan sa Pag-ani sa mga unang bunga sa inyong mga paghago, sa inyong gipugas sa uma. Ug himoa ninyo ang Kasaulogan sa Paghipos sa Abot sa kataposan sa tuig, sa dihang hiposon ninyo gikan sa uma ang bunga sa inyong mga paghago.

Levitico 2:12

Ingon nga halad sa unang mga abot dad-a ninyo kini ngadto sa Ginoo, apan dili kini ihalad ibabaw sa halaran ingon nga usa ka kahumot.

Levitico 23:15

“Pag-ihap kamo sugod sa adlaw human sa adlaw nga igpapahulay, sugod sa adlaw nga magdala kamo sa binangan sa halad nga binayaw, hangtod sa ikapito nga adlaw nga igpapahulay.

Levitico 23:34

“Sultihi ang katawhan sa Israel: Sa ikanapulo ug lima nga adlaw niining ikapito nga bulan ug sulod sa pito ka adlaw mao ang Kasaulogan sa mga Balongbalong ngadto sa Ginoo.

Numeros 29:1

“Sa unang adlaw sa ikapito nga bulan, maghimo kamo ug usa ka balaan nga panagtigom, dili kamo magbuhat ug bug-at nga buluhaton. Kini mao ang adlaw sa pagpatingog sa mga trumpeta alang kaninyo.

Juan 7:2

Unya nagsingabot na ang kasaulogan sa mga Judio sa mga Balongbalong.

Mga Buhat 2:1

Sa pag-abot sa adlaw sa Pentecostes, silang tanan nagkatigom sa usa ka dapit.

Deuteronomio 16:9

“Pag-ihap ug pito ka semana. Pagsugod ug ihap sa pito ka semana sukad sa panahon nga kamo nagsugod paggalab sa mga anihonon.