Exodo 34:21

Ang Biblia 2011

“Unom ka adlaw nga kamo magbuhat, apan sa ikapito nga adlaw mopahulay kamo. Bisan sa panahon sa pagdaro ug sa pag-ani kinahanglang mopahulay kamo.

Cross References

Genesis 45:6

Kay ang gutom ania sa yuta duha na karon ka tuig ug may nahibilin pa nga lima ka tuig nga walay pagdaro o pag-ani.

Nehemias 13:15

Niadtong mga adlawa akong nakita didto sa Juda ang mga tawo nga nagpigis ug ubas sa adlaw nga igpapahulay ug nagdala ug mga pinundok nga lugas ug gikarga kini sa mga asno ug mga bino usab, mga paras, mga igos, ug tanang matang sa palas-anon nga ilang gidala ngadto sa Jerusalem panahon sa adlaw nga igpapahulay. Ug ako nagpasidaan kanila sa adlaw nga sila nagbaligya ug mga pagkaon.

Exodo 23:12

“Sulod sa unom ka adlaw buhata ninyo ang inyong mga buluhaton ug sa ikapitong adlaw kinahanglan nga mopahulay kamo aron makapahulay ang inyong baka ug ang inyong asno ug ang anak sa inyong ulipon nga babaye ug ang langyaw maulian sa kabaskog.

Exodo 31:15

Buhata ninyo ang inyong buluhaton sulod sa unom ka adlaw apan ang ikapitong adlaw mao ang adlaw sa balaan nga pagpahulay, balaan ngadto sa Ginoo. Si bisan kinsa nga magbuhat ug bisan unsang buluhaton sa adlaw nga igpapahulay, kinahanglan nga patyon gayod.

Exodo 35:2

Himoa ninyo ang inyong buluhaton sulod sa unom ka adlaw apan ang ikapito nga adlaw himoa ninyo nga adlawng igpapahulay sa balaang pagpahulay ngadto sa Ginoo. Si bisan kinsa nga magbuhat ug bisan unsa nga buluhaton niining adlawa, kinahanglan nga patyon siya.

Isaias 30:24

Ang mga baka usab ug ang mga asno nga nag-ugmad sa yuta makakaon sa inasinan nga kompay nga pinadparan sa pala ug sa kakha.

Levitico 23:3

Unom ka adlaw kamo nga magbuhat sa mga buluhaton, apan ang ikapito nga adlaw usa ka adlaw nga igpapahulay sa balaan nga pagpahulay, ang panagtigom nga balaan. Wala gayoy magbuhat ug bisan unsa nga buluhaton, kini usa ka adlaw nga igpapahulay alang sa Ginoo diha sa tanan ninyong mga puluy-anan.

Lucas 13:14

Apan ang pangulo sa sinagoga, nga nasuko tungod kay si Jesus nag-ayo ug masakiton sa adlaw nga igpapahulay, miingon sa mga tawo, “Adunay unom ka adlaw diin ang buhat kinahanglang buhaton. Anhi kamo niining mga adlawa ug magpaayo ug dili sa adlaw nga igpapahulay.”

Lucas 23:56

Unya mipauli sila ug nag-andam ug mga pahumot ug mga haplas. Sa adlaw nga igpapahulay, mipahulay sila sumala sa kasugoan.

Deuteronomio 21:4

Ug ang mga kadagkoan niadtong siyudara magdala sa nating baka nga baye ngadto sa usa ka walog nga may nag-agas nga tubig, nga wala pa gayod madaro o mapugsi, ug ilang lunggoan sa liog ang nating baka nga baye didto sa walog.

1 Samuel 8:12

ug siya magpili alang kaniya ug mga pangulo sa linibo ug mga pangulo sa tag-50 ug ang uban magdaro sa iyang yuta ug mag-ani sa iyang alanihon; ang uban tigbuhat ug mga kasangkapan sa gubat ug mga kasangkapan sa iyang mga karwahi.