Exodo 34:16

Ang Biblia 2011

ug kuhaon ninyo ang ilang mga anak nga babaye alang sa inyong mga anak nga lalaki, ug ang ilang mga anak nga babaye magsimba sa ilang mga diosdios ug maghimo sa inyong mga anak nga lalaki sa pagpakighilawas sa pagsimba sa ilang mga diosdios.

Cross References

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

1 Mga Hari 11:1

Unya si Hari Solomon nahigugma sa daghang mga babaye nga langyaw uban sa anak nga babaye sa Paraon: mga Moabihanon, mga Amonihanon, mga Edomhanon, mga Sidonhanon ug mga Hitihanon,

1 Mga Hari 21:25

Apan walay sama kang Ahab nga nagbaligya sa iyang kaugalingon sa pagbuhat ug daotan diha sa panan-aw sa Ginoo, nga gihulhogan ni Jesebel nga iyang asawa.

2 Cronicas 21:11

Dugang pa niana siya naghimo ug mga habog nga dapit didto sa kabukiran sa Juda ug nangulo siya sa mga nagpuyo sa Jerusalem ngadto sa pagkadili matinumanon ug gipahisalaag ang Juda.

Esdras 9:12

Busa ayaw ipaasawa ang inyong mga anak nga babaye sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki, ug ayaw tinguhaa ang ilang pakigdait o kauswagan aron kamo malig-on ug magkaon sa abot sa yuta ug ibilin kini ingon nga usa ka kabilin sa inyong mga anak hangtod sa kahangtoran.’

Esdras 9:2

Kay sila nangasawa sa ilang mga anak nga babaye alang sa ilang kaugalingon ug alang sa ilang mga anak nga lalaki, nga tungod niana ang balaan nga binhi nagsagol sa ilang kaugalingon uban sa katawhan sa kayutaan. Ug niini nga pagkamasupilon ang kamot sa mga tinugyanan ug sa mga kadagkoan maoy nag-una.”

Nehemias 10:30

Dili namo ihatag ang among mga anak nga babaye ngadto sa mga katawhan sa yuta o kuhaon ang ilang mga anak nga babaye alang sa among mga anak nga lalaki.

Nehemias 10:31

Ug kon ang mga katawhan sa yuta magdala ug mga abot o bisan unsang makaon sa adlaw nga igpapahulay aron ibaligya, dili kami mopalit gikan kanila sa adlaw nga igpapahulay o sa usa ka adlaw nga balaan. Ug among pasagdan ang mga tanom sa ikapitong tuig ug papason ang tanang utang.

Nehemias 13:23

Niadtong mga adlawa nakita usab nako ang mga Judio nga nangasawa sa mga babaye sa Asdod, sa Amon ug sa Moab.

Nehemias 13:25

Ug ako nakiglalis kanila ug nagtunglo kanila, ug gibunalan nako ang pipila kanila ug gilarot ang ilang mga buhok ug akong gipapanumpa sila sa ngalan sa Dios, nga nag-ingon, “Ayaw ninyo ihatag ang inyong mga anak nga babaye ngadto sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki o alang sa inyong kaugalingon.

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Oseas 1:2

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”

Levitico 21:15

aron dili niya mabulingan ang iyang kaliwatan taliwala sa iyang katawhan, kay ako mao ang Ginoo nga nagbalaan kaniya.”

Josue 23:12

Kon mamiya kamo ug makigtipon sa mga salin niining mga nasod nga nahibilin uban kaninyo ug makigminyo kanila aron kamo maminyo sa ilang mga kababayen-an ug sila sa inyo,

Josue 23:13

hibaloi gayod nga ang Ginoo nga inyong Dios dili mopadayon sa pag-abog niining mga nasod gikan sa inyong atubangan apan sila mahimong bitik ug lit-ag alang kaninyo, usa ka hampak sa inyong mga kilid ug mga tunok sa inyong mga mata hangtod nga kamo mahanaw niining maayong yuta nga gihatag kaninyo sa Ginoo nga inyong Dios.

Mga Maghuhukom 14:3

Apan ang iyang amahan ug ang iyang inahan miingon kaniya, “Wala bay usa ka babaye sa taliwala sa mga anak nga babaye sa imong mga kadugo o sa taliwala sa tanan natong katawhan, nga ikaw moadto pa sa pagkuha ug usa ka asawa sa mga dili tinuli nga Filistihanon?” Apan si Samson miingon sa iyang amahan, “Kuhaa siya alang kanako kay siya nakapahimuot kaayo kanako.”

Mga Maghuhukom 3:5

Busa ang katawhan sa Israel mipuyo uban sa mga Canaanhon, sa mga Hitihanon, sa mga Amorihanon, sa mga Perisihanon, sa mga Hibihanon ug sa mga Jebusihanon.

Mga Maghuhukom 3:6

Ug ilang gipangasawa ang ilang mga anak nga babaye ug gihatag nila ang ilang kaugalingong mga anak nga babaye ngadto sa ilang mga anak nga lalaki ug nag-alagad sa ilang mga dios.

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.