Exodo 34:15

Ang Biblia 2011

kay tingali unya ug magbuhat kamo ug kasabotan uban sa mga nagpuyo sa yuta ug sa dihang makighilawas sila sa pagsimba sa ilang mga diosdios ug maghalad ug mga inihaw ngadto sa ilang mga diosdios ug usa kanila modapit kaninyo, mokaon unya kamo sa ilang halad,

Cross References

1 Cronicas 5:25

Apan sila nakalapas batok sa Dios sa ilang katigulangan ug nagbaligya sa ilang dungog pinaagi sa pagsimba sa mga dios sa mga katawhan sa yuta, nga gilaglag sa Dios sa ilang atubangan.

Esdras 6:9

Ug bisan unsay gikinahanglan, mga nating baka nga laki, mga laking karnero o mga karnero alang sa mga halad nga sunogon alang sa Dios sa langit, trigo, asin, bino o lana sumala sa gikinahanglan sa mga pari sa Jerusalem, ipahatag kini kanila matag adlaw sa walay pagpakyas

Esdras 9:12

Busa ayaw ipaasawa ang inyong mga anak nga babaye sa ilang mga anak nga lalaki o ipaasawa ang ilang mga anak nga babaye sa inyong mga anak nga lalaki, ug ayaw tinguhaa ang ilang pakigdait o kauswagan aron kamo malig-on ug magkaon sa abot sa yuta ug ibilin kini ingon nga usa ka kabilin sa inyong mga anak hangtod sa kahangtoran.’

Salmo 106:28

Unya sila miuban ngadto sa Baal sa Peor, ug mikaon sa mga inihaw nga gihalad ngadto sa mga patay;

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Exodo 22:19

“Si bisan kinsa nga makighilawas sa mananap, kinahanglan nga patyon.

Exodo 22:20

“Si bisan kinsa nga maghalad ngadto sa bisan unsang dios gawas sa Ginoo lamang kinahanglang laglagon.

Exodo 23:32

Kinahanglan nga dili kamo magbuhat ug kasabotan uban kanila o uban sa ilang mga diosdios.

Exodo 32:8

Dali ra silang misimang gikan sa dalan nga akong gisugo kanila, ug nagbuhat sila alang kanila ug usa ka nating baka nga tinunaw ug misimba sila niini. Naghalad sila niini ug miingon, ‘Kini mao ang imong mga dios, O Israel, nga nagkuha kanimo gikan sa yuta sa Ehipto!’ ”

Exodo 34:10

Unya ang Ginoo miingon, “Tan-awa, ako maghimo ug kasabotan. Sa atubangan sa tibuok nimong katawhan magbuhat ako ug mga katingalahan, kadtong wala mabuhat diha sa tibuok nga yuta o sa bisan diin nga nasod. Ug ang tanang katawhan diin anaa ikaw makakita sa buhat sa Ginoo, kay kini makalilisang nga butang nga akong buhaton uban kaninyo.

Exodo 34:12

Pagmatngon kamo sa inyong kaugalingon kay tingali unya ug magbuhat kamo ug kasabotan uban sa mga nagpuyo sa yuta nga inyong adtoan kay tingali unya ug kini mahimong lit-ag diha kaninyo.

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Oseas 4:12

Ang akong katawhan nagpakisusi sa kahoy ug ang ilang sungkod naghatag kanila ug mga mensahe. Kay ang espiritu sa pagkamakihilawason nagpahisalaag kanila, ug mibiya sila sa ilang Dios aron sa pagbaligya sa dungog.

Oseas 9:1

Ayaw pagmaya, O Israel! Ayaw paglipay sama sa mga katawhan; kay ikaw nagbaligya sa imong dungog, mibiya sa imong Dios. Ikaw nahigugma sa suhol sa usa ka babayeng nagbaligya sa iyang dungog diha sa tanang giokanan.

Levitico 17:7

Busa dili na gayod sila maghalad sa ilang mga halad nga inihaw ngadto sa mga demonyong kanding aron paghimo ug maluibong pagsimba. Kini mahimong usa ka lagda hangtod sa kahangtoran alang kanila sa tanan nilang mga kaliwatan.

Numeros 15:39

Ug kini mahimo alang kaninyo nga usa ka borlas nga inyong tan-awon ug mahinumdom kamo sa tanang kasugoan sa Ginoo, aron buhaton kini ug aron nga dili kamo magtuman sa inyong kasingkasing ug sa inyong mga mata, nga maoy buot ninyong patuyangan.

Numeros 25:1

Unya samtang ang Israel mipuyo sa Sitim, ang katawhan misugod sa pagpakighilawas uban sa mga anak nga babaye ni Moab.

Numeros 25:2

Kini nagdapit sa katawhan sa mga paghalad ngadto sa ilang mga dios, ug ang katawhan mikaon ug miyukbo sa ilang mga dios.

Mga Buhat 15:20

apan magsulat ngadto kanila sa paglikay gikan sa kahugawan sa mga diosdios ug sa salawayong pakighilawas ug sa mananap nga tinuok ug sa dugo.

1 Mga Taga-Corinto 10:27

Kon usa sa mga dili magtutuo modapit kaninyo sa pagpangaon ug buot kamong moadto, kaon kamo sa bisan unsay idulot kaninyo sa walay pagpangutana alang sa tanlag.

1 Mga Taga-Corinto 8:10

Kay kon ikaw, nga may kahibalo, makita sa usa ka tawo nga ikaw nagtambong sa kan-anan sulod sa templo sa diosdios, dili ba kaha kini makadasig sa huyang ug tanlag sa pagkaon sa mga hinalad ngadto sa mga diosdios?

1 Mga Taga-Corinto 8:4

Ug mahitungod sa pagkaon sa mga hinalad ngadto sa mga diosdios, kita nasayod nga “wala gayoy diosdios dinhi sa kalibotan,” ug nga “walay laing Dios gawas sa usa lamang.”

1 Mga Taga-Corinto 8:7

Apan dili ang tanan aduna niining maong kahibalo. Hinuon, tungod sa ilang pagkaanad sa mga diosdios hangtod karon, adunay pipila nga nangaon ingon nga kini gihalad gayod ngadto sa diosdios. Ug busa ang ilang tanlag nahugawan, tungod kay kini huyang man.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

Deuteronomio 31:18

Ug tagoon gayod nako ang akong nawong niadtong adlawa tungod sa tanang kadaotan nga ilang nabuhat kay mosimba sila sa laing mga dios.

Deuteronomio 32:37

Unya moingon siya, ‘Hain man ang ilang mga dios, ang bato nga ilang gidangpan,

Deuteronomio 32:38

nga nagkaon sa tambok sa ilang mga halad, ug miinom sa bino sa ilang halad nga ilimnon? Patindoga sila ug patabanga kaninyo, himoa sila nga inyong panalipod!

Deuteronomio 7:2

Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.

Deuteronomio 7:3

Ayaw kamo pagpakigminyo kanila, nga maghatag sa inyong mga anak nga babaye ngadto sa ilang mga anak nga lalaki, o magkuha sa ilang mga anak nga babaye alang sa inyong mga anak nga lalaki.

Josue 23:12

Kon mamiya kamo ug makigtipon sa mga salin niining mga nasod nga nahibilin uban kaninyo ug makigminyo kanila aron kamo maminyo sa ilang mga kababayen-an ug sila sa inyo,

Gipadayag 2:20

Apan aduna akoy butang nga batok kanimo, imo lamang gipasagdan ang babaye nga si Jezebel nga nag-ingon nga siya propeta ug nga nagtudlo ug nagpahisalaag sa akong mga sulugoon sa paghimo ug salawayong pakighilawas ug sa pagkaon sa mga hinalad ngadto sa mga larawan.

Mga Maghuhukom 2:17

Apan bisan pa niana, wala sila mamati sa ilang mga maghuhukom kay sila nakighilawas sa pagsimba sa laing mga dios ug miyukbo kanila. Sila daling mitipas gikan sa dalan diin ang ilang mga katigulangan naglakaw nga nagtuman sa mga sugo sa Ginoo, ug wala sila mobuhat sa ingon.

Mga Maghuhukom 3:6

Ug ilang gipangasawa ang ilang mga anak nga babaye ug gihatag nila ang ilang kaugalingong mga anak nga babaye ngadto sa ilang mga anak nga lalaki ug nag-alagad sa ilang mga dios.