Exodo 34:13

Ang Biblia 2011

Kinahanglang gub-on ninyo ang ilang mga halaran ug dugmokon ang ilang mga haligi ug putlon ang ilang mga Ashera.

Cross References

1 Mga Hari 14:15

ang Ginoo mosilot sa Israel sama sa bugang nga yugyogon diha sa tubig, ug ibton niya ang Israel gikan niining maayong yuta nga iyang gihatag sa ilang katigulangan, ug magpatibulaag kanila saylo sa Eufrates, tungod kay ilang gihimo ang ilang mga Asera nga nakapahagit sa Ginoo sa pagkasuko.

2 Mga Hari 10:27

Ug ilang gigun-ob ang haligi ni Baal ug gigun-ob ang templo ni Baal ug gihimo kining kalibangan hangtod niining adlawa.

2 Mga Hari 18:4

Iyang giguba ang mga habog nga dapit ug gitumpag ang mga haligi nga bato ug giputol ang Asera ug iyang gidugmok ang bitin nga bronsi nga gibuhat ni Moises, kay hangtod niadtong mga adlawa ang katawhan sa Israel nagsunog man ug insenso alang niini, ug kini gitawag ug Nehustan.

2 Mga Hari 23:14

Ug iyang gipanugmok ang mga haligi ug gipamutol ang mga Asera ug gipuno ang ilang nga dapit sa mga bukog sa mga tawo.

2 Cronicas 14:3

Iyang gikuha ang mga halaran sa mga langyaw ug ang mga habog nga dapit ug gigun-ob ang mga haligi ug giputol ang mga Asera.

2 Cronicas 15:16

Bisan si Maaca nga iyang inahan gipapahawa ni Hari Asa gikan sa pagkarayna tungod kay siya naghimo ug usa ka dulumtanan nga larawan alang kang Asera. Giputol ni Asa ang iyang larawan ug gidugmok kini ug gisunog kini didto sa Sapa sa Kidron.

2 Cronicas 17:6

Ang iyang kasingkasing nagmaisogon diha sa mga dalan sa Ginoo, ug dugang niini, iyang gikuha ang mga habog nga dapit ug ang mga Asera gikan sa Juda.

2 Cronicas 24:18

Ilang gibiyaan ang balay sa Ginoo, ang Dios sa ilang mga katigulangan, ug nag-alagad sa mga Asera ug sa mga diosdios. Ug ang kaligutgot miabot sa Juda ug sa Jerusalem tungod niining ilang sala.

2 Cronicas 31:1

Sa dihang natapos kining tanan, ang tibuok Israel nga mitambong nanggula ngadto sa mga siyudad sa Juda ug gipangdugmok ang mga haligi ug gipamutol ang mga Asera, ug gigun-ob ang mga habog nga dapit ug ang mga halaran sa tibuok Juda ug Benjamin, ug sa Efraim ug sa Manases, hangtod nga nagun-ob nila kining tanan. Unya ang tanang katawhan sa Israel namalik sa ilang mga siyudad, ang matag tawo ngadto sa iyang kaugalingong kabtangan.

2 Cronicas 33:19

Ang iyang pag-ampo ug kon giunsa sa pagdawat sa Dios sa iyang paghangyo, ug ang tanan niyang sala ug ang iyang kalapasan, ug ang mga dapit diin siya magtukod sa mga habog nga dapit ug gipatindog ang mga Asera ug ang mga larawan sa wala pa siya magpaubos sa iyang kaugalingon, kini nasulat sa Kasaysayan sa mga Propeta.

Exodo 23:24

ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.

Isaias 17:8

dili sila motahod sa mga halaran, ang buhat sa ilang mga kamot, ug dili sila motan-aw niadtong gihimo sa ilang kaugalingong mga tudlo, ang mga Asera o ang mga halaran sa insenso.

Isaias 27:9

Tungod niini ang kasal-anan ni Jacob pasayloon, ug kini mao ang kinatibuk-an nga bunga sa pagkuha sa iyang sala, sa diha nga mahimo niya ang tanang mga bato sa mga halaran sama sa mga bato nga anapog nga gipulpog, wala nay mga Asera o mga halaran sa insenso nga magpabiling magtindog.

Jeremias 17:2

samtang ang ilang mga anak nahinumdom sa ilang halaran ug sa ilang mga Asera tupad sa mga lunhawng kahoy ug sa mga habog nga kabungtoran,

Miqueas 5:14

ug ibton nako ang imong mga Asera gikan kanimo ug laglagon nako ang imong mga siyudad.

Numeros 33:52

papahawaon ninyo ang tanang mga nagpuyo sa yuta gikan sa atubangan ninyo ug dugmokon ang tanan nilang mga larawan ug ang tanan nilang mga tinunaw nga larawan ug gub-on ang tanan nilang habog nga mga dapit

Deuteronomio 16:21

“Ayaw pag-ugbok ug bisan unsang kahoy ingon nga Asera tupad sa inyong buhaton nga halaran sa Ginoo nga inyong Dios nga inyong buhaton.

Deuteronomio 16:22

Ug ayaw pagpatindog ug haligi nga gikasilagan sa Ginoo nga inyong Dios.

Deuteronomio 7:5

Apan ingon niini ang buhata kanila: gub-a ninyo ang ilang mga halaran ug dugmoka ang ilang mga haligi ug pukana ang ilang Aserim ug sunoga sa kalayo ang ilang mga kinulit nga larawan.

Mga Maghuhukom 2:2

ug ayaw kamo paghimo ug kasabotan uban sa mga nagpuyo niining yutaa. Gub-a ang ilang mga halaran.’ Apan wala ninyo tumana ang akong sugo. Unsa man kining inyong gibuhat?

Mga Maghuhukom 6:25

Niadtong gabhiona ang Ginoo miingon kaniya, “Dad-a ang torong baka sa imong amahan, ang ikaduha nga torong baka nga pito ka tuig ang panuigon ug tumpaga ang halaran ni Baal nga anaa sa imong amahan ug putla ang Asera nga anaa tupad niini.

Mga Maghuhukom 6:26

Ug paghimo ug usa ka halaran alang sa Ginoo nga imong Dios ibabaw sa kuta pinaagi sa mga bato nga maayong pagkapahimutang. Unya kuhaa ang ikaduha nga torong baka, ug ihalad kini ingon nga halad nga sunogon, uban sa kahoy sa Asera nga imong giputol.”