Exodo 34:12

Ang Biblia 2011

Pagmatngon kamo sa inyong kaugalingon kay tingali unya ug magbuhat kamo ug kasabotan uban sa mga nagpuyo sa yuta nga inyong adtoan kay tingali unya ug kini mahimong lit-ag diha kaninyo.

Cross References

1 Mga Hari 11:2

Sa mga nasod nga giingon sa Ginoo ngadto sa katawhan sa Israel, “Dili kamo makigminyo kanila, mao man usab sila nganha kaninyo kay, sa pagkatinuod sila magpasimang sa inyong kasingkasing sa pagsunod sa ilang mga dios.” Apan si Solomon nahigugma kanila pag-ayo.

2 Mga Hari 17:10

Alang sa ilang kaugalingon nagpatindog sila ug mga haligi nga bato ug mga Asera sa ibabaw sa matag habog nga bungtod ug ilalom sa matag lunhaw nga kahoy.

2 Cronicas 24:18

Ilang gibiyaan ang balay sa Ginoo, ang Dios sa ilang mga katigulangan, ug nag-alagad sa mga Asera ug sa mga diosdios. Ug ang kaligutgot miabot sa Juda ug sa Jerusalem tungod niining ilang sala.

Salmo 106:36

Mialagad sila sa ilang mga diosdios, nga nahimong lit-ag alang kanila.

Numeros 33:52

papahawaon ninyo ang tanang mga nagpuyo sa yuta gikan sa atubangan ninyo ug dugmokon ang tanan nilang mga larawan ug ang tanan nilang mga tinunaw nga larawan ug gub-on ang tanan nilang habog nga mga dapit

Deuteronomio 20:18

aron sila dili makatudlo kaninyo sa pagbuhat sumala sa tanan nilang mga dulumtanang buhat nga ilang gibuhat sa pag-alagad sa ilang mga dios, ug sa ingon kamo makasala batok sa Ginoo nga inyong Dios.

Deuteronomio 31:5

Ug ang Ginoo magtugyan kanila nganha sa inyong atubangan ug buhaton ninyo ngadto kanila sumala sa tanang sugo nga gisugo nako kaninyo.

Deuteronomio 7:16

Ug laglagon ninyo ang tanang mga katawhan nga itugyan kaninyo sa Ginoo nga inyong Dios. Ang inyong mata dili maluoy kanila ug ayaw kamo pag-alagad sa ilang mga diosdios kay kana mahimong lit-ag alang kaninyo.

Deuteronomio 7:2

Ug sa diha nga ang Ginoo nga inyong Dios magtugyan kanila nganha kaninyo ug inyong nalupig, kinahanglang laglagon ninyo sila sa hingpit. Ayaw kamo paghimo ug kasabotan uban kanila ug ayaw pagpakita ug kaluoy kanila.

Josue 9:7

Apan ang mga tawo sa Israel miingon sa mga Hibihanon, “Basin ug nagpuyo kamo uban kanamo, unsaon man namo sa paghimo ug usa ka kasabotan uban kaninyo?”

Mga Maghuhukom 6:10

Ug ako miingon kaninyo, ‘Ako mao ang Ginoo nga inyong Dios, ayaw kamo pagsimba sa mga dios sa mga Amorihanon, diin ang ilang yuta inyong gipuy-an.’ Apan kamo wala mamati sa akong tingog.”

Mga Maghuhukom 8:27

Unya si Gideon naghimo ug usa ka ephod gikan niini ug gibutang kini sa iyang siyudad sa Opra ug ang tibuok Israel nagluib pinaagi sa pagsimba niini. Ug kini nahimong lit-ag kang Gideon ug sa iyang panimalay.