Exodo 34:10

Ang Biblia 2011

Unya ang Ginoo miingon, “Tan-awa, ako maghimo ug kasabotan. Sa atubangan sa tibuok nimong katawhan magbuhat ako ug mga katingalahan, kadtong wala mabuhat diha sa tibuok nga yuta o sa bisan diin nga nasod. Ug ang tanang katawhan diin anaa ikaw makakita sa buhat sa Ginoo, kay kini makalilisang nga butang nga akong buhaton uban kaninyo.

Cross References

2 Samuel 7:23

Unsa mang nasora sa kalibotan nga sama sa imong katawhan nga Israel nga giadto sa Dios aron lukaton aron mahimong iyang katawhan, naghimo kaniya ug usa ka ngalan, ug nagbuhat alang kanila ug dagko ug makalilisang nga mga butang pinaagi sa pag-abog sa atubangan sa iyang katawhan sa mga nasod ug sa ilang mga diosdios?

Salmo 106:22

kahibulongan nga mga buhat didto sa yuta ni Ham, ug mga butang nga makalilisang didto sa Dagat nga Pula.

Salmo 136:4

kaniya nga mao lamang ang nagbuhat sa dagkong mga katingalahan, kay ang iyang gugmang walay paglubad naglungtad hangtod sa kahangtoran;

Salmo 145:6

Ang katawhan magsangyaw sa gahom sa makalilisang nimo nga mga buhat, ug ako magpahayag sa imong pagkagamhanan.

Salmo 147:20

Wala niya buhata ang ingon niini ngadto sa bisan unsa nga nasod; wala sila mahibalo sa iyang mga tulumanon. Dayega ang Ginoo!

Salmo 65:5

Pinaagi sa mga buhat nga makalilisang, ikaw magtubag kanamo uban ang pagluwas, O Dios sa among kaluwasan, nga mao ang paglaom sa tanang kinatumyan sa yuta, ug sa layong kadagatan;

Salmo 66:3

Ingna ninyo ang Dios, “Pagkamakalilisang sa imong mga buhat! Hilabihan kadako ang imong gahom nga ang imong mga kaaway nangyukbo kanimo.

Salmo 66:5

Dali ug tan-awa ninyo unsay nabuhat sa Dios; makalilisang ang iyang mga buhat nganha sa mga tawo.

Salmo 68:35

Makalilisang ang Dios diha sa iyang balaang dapit, ang Dios sa Israel; siya naghatag ug kusog ug gahom ngadto sa iyang katawhan. Dalaygon ang Dios.

Salmo 72:18

Dalaygon ang Ginoo, ang Dios sa Israel, nga mao lamang ang nagbuhat sa mga katingalahang butang.

Salmo 76:12

nga nagputol sa espiritu sa mga pangulo, siya nga gikalisangan sa mga hari sa yuta.

Salmo 77:14

Ikaw mao ang Dios nga nagbuhat ug mga katingalahan, nga nagpadayag sa imong gahom taliwala sa mga katawhan.

Salmo 78:12

Mga butang nga kahibulongan iyang gibuhat diha sa panan-aw sa ilang mga katigulangan didto sa yuta sa Ehipto, sa kapatagan sa Zoan.

Exodo 34:27

Ang Ginoo miingon kang Moises, “Isulat kining mga pulonga. Sumala niining mga pulonga gihimo nako ang kasabotan uban kanimo ug uban sa Israel.”

Exodo 34:28

Ug siya didto uban sa Ginoo sulod sa 40 ka adlaw ug 40 ka gabii; siya wala mokaon ug pan o moinom ug tubig. Ug gisulat niya sa mga papan ang mga pulong sa kasabotan, ang napulo ka kasugoan.

Isaias 64:3

Sa diha nga gibuhat nimo ang mga butang nga makalilisang nga wala namo paabota, ikaw mikunsad, ang kabukiran mikurog sa imong atubangan.

Jeremias 32:21

Imong gidala ang imong katawhan nga Israel gikan sa yuta sa Ehipto uban sa mga ilhanan ug sa mga kahibulongan, uban sa kusgan nga kamot ug sa tinuy-od nga bukton, ug sa dakong kalisang.

Miqueas 7:15

Sama sa mga adlaw sa paggula nimo gikan sa yuta sa Ehipto, ipakita nako kanila ang mga butang nga kahibulongan.

Deuteronomio 10:21

Siya mao ang inyong pagdayeg ug siya mao ang inyong Dios nga nagbuhat alang kaninyo niining dagko ug makalilisang nga mga butang nga nakita sa inyong mga mata.

Deuteronomio 32:30

Unsaon sa usa ka tawo paggukod sa usa ka libo ug sa duha ka tawo pagpakagiw sa napulo ka libo, gawas kon ang ilang Bato nagbaligya kanila ug ang Ginoo nagtugyan kanila?

Deuteronomio 4:13

Ug siya mipahayag kaninyo sa kasabotan nga iyang gisugo kaninyo sa pagbuhat nga mao ang napulo ka sugo ug iyang gisulat kini sa duha ka papan nga bato.

Deuteronomio 9:19

Kay nahadlok ako sa kasuko ug sa hilabihang kapungot nga gibatonan sa Ginoo batok kaninyo nga andam siya sa paglaglag kaninyo. Apan ang Ginoo namati kanako niadtong panahona usab.

Josue 6:20

Busa ang katawhan naninggit ug ang mga trumpeta gipatingog. Sa pagkadungog sa katawhan sa tingog sa trumpeta, ang katawhan misinggit sa kusog nga tingog ug ang paril natumpag nga nahapla. Unya ang mga tawo misulod sa siyudad, ang matag tawo lahos sa iyang giatubang ug ilang gikuha ang siyudad.