Exodo 34:1

Ang Biblia 2011

Ang Ginoo miingon kang Moises, “Pagsapsap ug duha ka papan nga bato sama sa una, ug isulat nako diha sa mga papan ang mga pulong nga didto sa unang mga papan nga imong gibuak.

Cross References

Salmo 119:89

Hangtod sa kahangtoran, O Ginoo, ang imong pulong lig-on diha sa kalangitan.

Exodo 24:12

Ang Ginoo miingon kang Moises, “Tungas ngari kanako sa bukid ug pabilin diri ug ihatag nako kanimo ang mga papan nga bato uban sa balaod ug sa kasugoan nga gisulat nako aron itudlo kanila.”

Exodo 31:18

Sa diha nga nakahuman na siya sa pagpakigsulti kaniya didto sa Bukid sa Sinai, gihatag niya kang Moises ang duha ka papan sa pagpamatuod, mga papan nga bato nga gisulatan sa tudlo sa Dios.

Exodo 32:16

Ug ang mga papan gibuhat sa Dios ug ang sulat mao ang sulat sa Dios nga gikulit diha sa mga papan.

Exodo 32:19

Ug sa dihang nagkaduol siya sa kampo ug nakita niya ang nating baka ug ang mga pagsayaw, misilaob ang kasuko ni Moises, ug gisalibay niya ang mga papan gikan sa iyang mga kamot ug nadugmok kini sa tiilan sa bukid.

Exodo 34:28

Ug siya didto uban sa Ginoo sulod sa 40 ka adlaw ug 40 ka gabii; siya wala mokaon ug pan o moinom ug tubig. Ug gisulat niya sa mga papan ang mga pulong sa kasabotan, ang napulo ka kasugoan.

Exodo 34:4

Busa si Moises nagsapsap ug duha ka papan nga bato sama sa una. Mibangon si Moises sayo sa buntag ug mitungas sa Bukid sa Sinai sumala sa gisugo sa Ginoo kaniya ug gibitbit ang duha ka papan nga bato.

Jeremias 36:32

Unya mikuha si Jeremias ug laing linukot nga sulatanan, ug gihatag kini kang Baruk nga sekretaryo nga anak ni Nerias, nga maoy nagsulat niini ubos sa pagmando ni Jeremias sa tanang mga pulong sa linukot nga basahon nga gisunog ni Jehoiakim nga hari sa Juda, ug daghan nga samang mga pulong ang gidugang niini.

Deuteronomio 4:13

Ug siya mipahayag kaninyo sa kasabotan nga iyang gisugo kaninyo sa pagbuhat nga mao ang napulo ka sugo ug iyang gisulat kini sa duha ka papan nga bato.