Exodo 33:4

Ang Biblia 2011

Sa diha nga ang katawhan nakadungog niining daotan nga mga balita, nagsubo sila ug walay bisan usa nga nagsul-ob sa iyang mga alahas.

Cross References

2 Samuel 19:24

Si Mefiboset nga anak ni Saul milugsong aron sa pagsugat sa hari ug wala niya mahugasi ang iyang mga tiil o maguntingi ang iyang bungot o malabhi ang iyang mga bisti sukad sa adlaw nga ang hari migikan hangtod sa adlaw nga siya mibalik sa balay nga walay kadaot.

1 Mga Hari 21:27

Ug sa pagkadungog ni Ahab niadtong mga pulonga, iyang gigisi ang iyang mga bisti, ug nagsul-ob ug sako sa iyang lawas ug nagpuasa ug mihigda nga nagsul-ob sa sako ug milakaw nga masulub-on.

2 Mga Hari 19:1

Ug sa pagkadungog ni Hari Hesekias niini, iyang gigisi ang iyang mga bisti ug nagtabon sa iyang kaugalingon sa bisti nga sako, ug misulod sa balay sa Ginoo.

Esdras 9:3

Sa diha nga ako nakadungog niini akong gigisi ang akong bisti ug ang akong kupo, ug gilabnot nako ang buhok sa akong ulo ug ang akong bungot ug milingkod nga nalibog.

Job 1:20

Unya si Job mitindog, ug migisi sa iyang bisti, ug mikiskis sa iyang ulo ug mihapa sa yuta ug misimba.

Job 2:12

Sa pagkakita nila kaniya sa layo, wala sila makaila kaniya, naninggit sila ug nanghilak. Ilang gigisi ang ilang bisti ug gisabligan ug abog ang ilang mga ulo paingon sa langit.

Exodo 33:6

Busa ang katawhan sa Israel nanangtang sa ilang mga alahas sukad sa Bukid sa Horeb.

Isaias 32:11

Pangurog kamo, kamong mga babaye nga anaa sa kasayon, pangahadlok kamong mga walay pagtagad, paghukas ug himoa ang inyong kaugalingon nga hubo, ug baksi ug sako ang inyong hawak.

Ezequiel 24:17

Panghupaw, apan ayaw kusga. Ayaw pagbangutan tungod sa mga nangamatay. Ihigot ang imong purong ug isul-ob ang mga sandalyas sa imong mga tiil, ug ayaw taboni ang imong mga ngabil o kaona ang pan sa mga tigbangutan.”

Ezequiel 24:23

Ang inyong mga purong anha sa inyong mga ulo, ug ang inyong mga sandalyas anha sa inyong mga tiil. Dili kamo magbangotan o maghilak apan magniwang kamo tungod sa inyong kasal-anan ug mag-agulo ngadto sa usag usa.

Ezequiel 26:16

Unya ang tanang mga pangulo sa dagat mokanaog gikan sa ilang mga trono ug hukason ang ilang mga kupo ug huboon nila ang ilang binurdahang mga bisti. Sila magsul-ob ug pagkurog diha sa ilang kaugalingon. Sila maglingkod sa yuta, ug matag gutlo magkurog ug malisang kanimo.

Oseas 7:14

Sila wala magtuaw kanako gikan sa ilang kasingkasing, hinuon nagminatay sila diha sa ilang mga higdaanan; alang sa trigo ug bino sila nagsamad sa ilang kaugalingon, sila misukol batok kanako.

Levitico 10:6

Ug si Moises miingon kang Aaron ug kang Eleasar ug kang Itamar nga iyang mga anak, “Ayaw ninyo ipadunghay ang mga buhok sa inyong mga ulo, ayaw usab ninyo gisia ang inyong mga bisti kay tingali unya ug kamo mangamatay, ug aron dili usab moabot ang kaligutgot ngadto sa tibuok nga katilingban. Apan ang inyong mga igsoon, ang tibuok nga katawhan sa Israel, magsubo tungod sa pagsunog nga gibuhat sa Ginoo.

Jonas 3:6

Unya ang balita midangat sa hari sa Ninibe ug siya mitindog sa iyang trono, mihukas sa iyang kupo ug nagtabon sa iyang kaugalingon ug sako ug milingkod sa abo.

Zacarias 7:3

ug sa paghangyo sa mga pari nga didto sa balay sa Ginoo sa mga panon, ug sa mga propeta, “Magbangutan ba ako ug magpuasa sa ikalima nga bulan, sumala sa akong gibuhat sa daghang katuigan?”

Zacarias 7:5

“Sultihi ang tanang katawhan sa yuta ug ang mga pari. Sa dihang kamo nagpuasa ug nagbangutan sa ikalima ug sa ikapito nga bulan niining 70 ka tuig, alang ba kanako ang inyong pagpuasa?

Numeros 14:1

Unya ang tibuok nga katilingban mipatugbaw sa ilang tingog ug naninggit ug ang katawhan nanghilak niadtong gabhiona.

Numeros 14:39

Ug si Moises misulti niining mga pulonga sa tanang katawhan sa Israel ug ang katawhan nagbangutan sa hilabihan.

1 Samuel 6:19

Iyang gipatay ang pipila ka tawo sa Bet-semes tungod kay sila mitan-aw sa sulod sa sudlanan sa kasabotan sa Ginoo. Iyang gipatay ang 70 ka tawo gikan kanila, ug ang mga tawo nagbangotan tungod kay ang Ginoo naghimo ug dakong pagpamatay diha sa katawhan.