Exodo 33:13

Ang Biblia 2011

Busa karon, kon ako nakakaplag ug kahimuot diha sa imong panan-aw, ipakita karon kanako ang imong mga pamaagi, aron makaila ako kanimo ug makakaplag ug kahimuot diha sa imong panan-aw. Hunahunaa usab nga kining nasora mao ang imong katawhan.”

Cross References

2 Samuel 15:25

Unya ang hari miingon kang Zadok, “Dad-a pagbalik ang sudlanan sa kasabotan sa Dios ngadto sa siyudad. Kon makakaplag ako ug kaluoy sa mga mata sa Ginoo, siya modala kanako pagbalik ug magpakita kanako niini ug sa iyang puluy-anan.

Salmo 103:7

Gipahibalo niya ang iyang mga dalan ngadto kang Moises, ang iyang mga binuhatan ngadto sa katawhan sa Israel.

Salmo 119:33

Tudloi ako, O Ginoo, sa pamaagi sa imong mga lagda, ug tumanon nako kini hangtod sa kataposan.

Salmo 25:4

Himoa ako nga mahibalo sa imong mga dalan, O Ginoo, tudloi ako sa imong mga agianan.

Salmo 27:11

Tudloi ako sa imong dalan, O Ginoo, ug tultoli ako sa patag nga agianan tungod sa akong mga kaaway.

Salmo 51:13

Unya tudloan nako sa imong mga pamaagi ang mga malapason, ug ang mga makasasala mamalik nganha kanimo.

Salmo 86:11

Tudloi ako sa imong dalan, O Ginoo, aron ako maglakaw diha sa imong kamatuoran; bug-osa ang akong kasingkasing sa pagkahadlok sa imong ngalan.

Exodo 3:10

Busa, dali, paadtoon ko ikaw ngadto sa Paraon aron kuhaon nimo ang akong katawhan, ang mga anak ni Israel gikan sa Ehipto.”

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Exodo 32:12

Nganong moingon man ang mga Ehiptohanon, ‘Uban sa daotang tuyo gikuha niya sila aron patyon didto sa kabukiran ug aron puohon sila gikan sa nawong sa yuta?’ Talikdi ang kabangis sa imong kasuko ug usba ang imong hunahuna mahitungod sa kadaotan nga imong ipahamtang batok sa imong katawhan.

Exodo 32:14

Ug wala ipadayon sa Ginoo ang daotan nga iyang nahunahunaang buhaton ngadto sa iyang katawhan.

Exodo 32:7

Unya ang Ginoo miingon kang Moises, “Lugsong dayon, kay ang imong katawhan, nga imong gikuha gikan sa yuta sa Ehipto, nagpakasala sa ilang kaugalingon.

Exodo 34:9

Siya miingon, “Kon karon nakakaplag ako ug kahimuot diha sa imong panan-aw, O Ginoo, paubana ang Ginoo kanamo bisan ug kini nga katawhan tikig ug liog ug pasayloa ang among pagkadaotan ug ang among sala, ug dawata kami ingon nga imong panulundon.”

Exodo 5:1

Unya miadto si Moises ug si Aaron sa Paraon ug miingon kaniya, “Mao kini ang giingon ni Yahweh, ang Dios sa Israel, ‘Tugoti sa paglakaw ang akong katawhan aron sila makahimo ug kasaulogan alang kanako didto sa kamingawan.’ ”

Isaias 30:21

Ug ang imong dalunggan makadungog sa usa ka pulong sa luyo nimo, nga nag-ingon, “Kini mao ang dalan, lakaw diha niini,” sa diha nga molingi ikaw sa tuo o sa diha nga molingi ikaw sa wala.

Isaias 63:17

O Ginoo, nganong gipahisalaag man nimo kami gikan sa imong mga dalan, ug gipagahi ang among kasingkasing aron dili kami mahadlok kanimo? Balik tungod ug alang sa imong mga alagad, ang mga banay sa imong panulundon.

Isaias 63:19

Kami nahimong sama niadtong wala gayod nimo mandoi, sama kanila nga wala tawga pinaagi sa imong ngalan.

Joel 2:17

Pahilaka ang mga pari, ug ang mga alagad sa Ginoo, taliwala sa agianan sa templo ug sa halaran ug ipaingon kanila, “Sayloi ang imong katawhan, O Ginoo, ug ayaw himoa nga talamayon ang imong panulondon, pagya diha sa mga nasod. Ngano nga moingon man sila sa taliwala sa mga katawhan, ‘Hain man ang ilang Dios?’ ”

Juan 17:3

Ug mao kini ang kinabuhing dayon, nga sila nakaila kanimo nga mao lamang ang tinuod nga Dios ug kang Jesu-Cristo nga imong gipadala.

Roma 11:28

Mahitungod sa Maayong Balita, sila mga kaaway sa Dios tungod ug alang kaninyo; apan mahitungod sa pagpili, sila mga hinigugma tungod sa ilang mga katigulangan.

Mga Taga-Efeso 1:17

nga unta ang Dios sa atong Ginoong Jesu-Cristo, ang mahimayaong Amahan, maghatag kaninyo sa espiritu sa kaalam ug sa pagpadayag diha sa kahibalo mahitungod kaniya,

Deuteronomio 9:26

Ug nag-ampo ako ngadto sa Ginoo, ‘O Ginoong Dios, ayaw laglaga ang imong katawhan ug ang imong panulundon nga imong giluwas pinaagi sa imong pagkagamhanan, nga imong gikuha gikan sa Ehipto pinaagi sa gamhanang kamot.

Deuteronomio 9:29

Kay sila imong katawhan ug imong kabilin nga imong gikuha pinaagi sa imong dakong gahom ug sa imong bukton nga tinuy-od.’

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.