Exodo 33:11

Ang Biblia 2011

Busa naandan sa Ginoo ang pagpakigsulti kang Moises sa nawong ug nawong sama sa usa ka tawo nga makigsulti sa iyang higala. Sa diha nga si Moises mobalik ngadto sa kampo, ang iyang kaabag nga si Josue nga anak ni Nun, usa ka batan-on, dili mobiya sa Tolda.

Cross References

Genesis 32:30

Ug ginganlan ni Jacob kadtong dapita ug Peniel, nga nag-ingon, “Nakita nako ang Dios sa nawong ug nawong ug nagpabilin ako nga buhi.”

2 Cronicas 20:7

Wala ba nimo, O among Dios, papahawaa ang mga nagpuyo niining yutaa gikan sa atubangan sa imong katawhan nga Israel ug ihatag kini hangtod sa kahangtoran ngadto sa kaliwatan ni Abraham nga imong higala?

Job 16:21

nga unta adunay molaban kanako ngadto sa Dios, sama niadtong usa alang sa iyang isigkatawo!

Exodo 17:9

Ug si Moises miingon kang Josue, “Pagpili gikan kanato ug mga tawo ug panggawas kamo ug pakig-away kamo batok sa Amalek. Ugma motindog ako sa tumoy sa bungtod nga magbitbit sa sungkod sa Dios.”

Exodo 24:13

Unya mitindog si Moises, uban kang Josue nga iyang kaabag ug mitungas siya ngadto sa bukid sa Dios.

Exodo 32:17

Sa diha nga nadungog ni Josue ang kaguliyang sa katawhan samtang sila nagsinggit, siya miingon kang Moises, “Adunay kagahob sa gubat diha sa kampo.”

Exodo 33:10

Ug sa dihang makita sa tibuok nga katawhan ang haligi nga panganod diha sa pultahan sa Tolda, ang tibuok nga katawhan motindog ug mosimba, ang matag usa diha sa pultahan sa iyang tolda.

Exodo 33:9

Sa diha nga makasulod na si Moises sa Tolda, ang haligi nga panganod mopaubos ug mopatungod diha sa pultahan sa Tolda, ug ang Ginoo makigsulti kang Moises.

Isaias 42:8

Ako si Yahweh, mao kana ang akong ngalan; ang akong himaya dili nako ihatag sa uban o ang akong pagdayeg ngadto sa mga kinulit nga mga larawan.

Numeros 11:28

Ug si Josue nga anak ni Nun ug pangabaga ni Moises ug usa sa iyang mga pinili nga tawo mitubag ug miingon, “Agalon kong Moises, did-i sila.”

Numeros 12:7

Dili sama niini si Moises nga akong alagad, siya gitugyanan sa tibuok nakong panimalay.

Numeros 12:8

Uban kaniya makigsulti ako baba sa baba, sa dayag gayod ug dili pinaagi sa mga tanghaga, ug makita niya ang dagway sa Ginoo. Busa nganong wala man kamoy kahadlok sa pagsulti batok sa akong alagad nga si Moises?”

Juan 11:11

Gisulti niya kining mga butanga ug unya miingon siya kanila, “Ang atong higala nga si Lazaro natulog apan moadto ako aron sa pagpukaw kaniya gikan sa pagkatulog.”

Juan 3:29

Ang nakabaton sa pangasaw-onon mao ang pamanhonon. Ang higala sa pamanhonon nga nagtindog ug namati kaniya nalipay pag-ayo tungod sa tingog sa pamanhonon busa kining akong kalipay hingpit na karon.

Deuteronomio 31:14

Ang Ginoo miingon kang Moises, “Tan-awa, nagkaduol na ang mga adlaw nga ikaw mamatay. Tawga si Josue ug pangadto kamo sa tolda nga tagboanan aron ako maghatag kaniya sa katungdanan.” Ug sila si Moises ug si Josue nangadto ug nagpakita sa ilang kaugalingon didto sa tolda nga tagboanan.

Deuteronomio 34:10

Ug wala na gayoy mitungha nga propeta sa Israel nga sama kang Moises nga nailhan sa Ginoo sa nawong ug nawong,

Deuteronomio 5:4

Ang Ginoo misulti kaninyo sa nawong ug nawong didto sa bukid gikan sa taliwala sa kalayo.

Santiago 2:23

Ang kasulatan natuman nga nag-ingon, “Si Abraham mituo sa Dios, ug kini giisip kaniya nga pagkamatarong,” ug siya gitawag nga higala sa Dios.